ອົງການກາແດງລາວ

CROIX ROUGE LAO

ປະທານອົງການກາແດງແຫ່ງຊາດລາວປະຊຸມທາງໄກກັບປະທານກາແດງອົງການກາຊີກວົງເດືອນແດງຕ໋ວກກີ້

ໃນວັນທີ 8 ເມສາ 2022ນີ້ ທ່ານ ຮສ ດຣ ພູທອນ ເມືອງປາກ ປະທານອົງການກາແດງແຫ່ງຊາດລາວ ພ້ອມດ້ວຍຄະນະໄດ້ປະຊຸມທາງໄກຮ່ວມກັບ ທ່ານ Dr.Kerem Kinik ປະທານອົງການກາຊີກວົງເດືອນແດງຕ໋ວກກີ້, ທັງເປັນຮອງປະທານສະຫະພັນກາແດງ ແລະ ຊີກວົງເດືອນແດງສາກົນ
ເພື່ອປຶກສາຫາລືແລກປ່ຽນການເຄື່ອນໄຫວວຽກງານຂອງສອງອົງການ ແລະ ເພີ່ມທະວີການຮ່ວມມືຂອງສອງອົງການໃນຕໍ່ຫນ້າໃນຂົງເຂດວຽກງານມະນຸດສະທຳ, ເປັນຕົ້ນແມ່ນຂົງເຂດວຽກງານເລືອດ, ວຽກງານການຕອບໂຕ້ໄພພິບັດ ແລະ ວຽກງານການຄຸ້ມຄອງອາສະສະໝັກອົງການກາແດງລາວ; ພິເສດໃນປີນີ້ອົງການກາແດງແຫ່ງຊາດລາວ ແມ່ນໄດ້ຮັບງົບປະມານຈຳນວນໜຶ່ງເພື່ອຈັດຕັ້ງປະຕິບັດໂຄງການຄຸ້ມຄອງລະບົບຂໍ້ມູນອາສາສະໝັກຂອງອົງການກາແດງລາວ
ໃນກອງປະຊຸມຍັງໄດ້ພ້ອມກັນປຶກສາຫາລືຫຼາຍບັນຫາຢ່າງກົງໄປກົງມາ ເພື່ອເປັນການຫັດແໜ້ນສາຍພົວພັນລະຫວ່າງສອງອົງການກາແດງໃຫ້ມີຄວາມຟົດຟື້ນບົນຄວາມສາມັກຄີປອງດອງຊ່ວຍເຫຼືອເຊິ່ງກັນ ແລະ ກັນໃນຕໍ່ໜ້າຕື່ມອີກ.