ອົງການກາແດງລາວ

CROIX ROUGE LAO

ປະທານອົງການກາແດງແຫ່ງຊາດລາວລົງເຄື່ອນໄຫວຢ້ຽມຢາມແຂວງຈຳປາສັກ.

ໃນວັນທີ 09 ມິຖຸນາ 2022, ທ່ານ ຮສ. ດຣ. ພູທອນ ເມືອງປາກ ປະທານອົງການກາແດງລາວ ພ້ອມດ້ວຍຄະນະໄດ້ເຄື່ອນໄຫວຢ້ຽມຢາມແຂວງຈຳປາສັກ,ໃນໂອກາດນີ້ໄດ້ພົບເຂົ້າພົບປະຢ້ຽມຢາມ ທ່ານ. ສະນັ່ນ ສີພາພົມມະຈັນ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງແລະປຶກສາຫາລື ກ່ຽວກັບວຽກງານກາແດງຫລາຍບັນຫາເປັນຕົ້ນແມ່ນກົດຫມາຍວ່າດ້ວຍວຽກງານກາແດງ,ການປະຕິບັດແຜນຍຸດຖະສາດຂອງອົງການກາແດງແຫ່ງຊາດລາວ, ການປຸກລະດົມຂົນຂວາຍແຫລ່ງທຶນເຂົ້າຮ່ວມໃນວຽກງານກາແດງ ,ການຊ່ວຍເຫລືອປະຊາຊົນຜູ້ທຸກຍາກພາຍໃນແຂວງແລະການພັດທະນານາຊັບພະຍາກອນມະນຸດ.
ໃນໂອກາດນີ້, ທ່ານ ສະນັ່ນ ສີພາພົມມະຈັນ ຮອງເລຂາພັກແຂວງ ຈຳປາສັກ ໄດ້ກ່າວ ສະແດງຄວາມຂອບໃຈທີເຄື່ອນໄຫວຢ້ຽມຢາມແຂວງຈຳປາສັກໃນຄັ້ງນີ້ເຊີ່ງຢູ່ໃນທາມກາງການພັດທະນາຫລາຍດ້ານພາຍໃນແຂວງ ,ສະເພາະວຽກງານກາແດງແດງທາງແຂວງແມ່ນໄດ້ຊຸກຍູ້ຕິດຕາມເອົາໃຈໃສ່ ປຸກລະດົມສັງຄົມເຂົ້າຮ່ວມເຄື່ອນໄຫວຢ່າງຕັ້ງຫນ້າເປັນຕົ້ນການຈັດຕັ້ງປະຕິບັດ ເອົາໃຈໃສ່ຊ່ວຍເຫລືອຜູ້ທຸກຍາກ, ການສົ່ງເສີມສຸຂະພາບຊຸມຊົນແລະອື່ນໆ. ແລະ ໃນຕອນບ່າຍຂອງວັນດຽວກັນນີ້ ທ່ານປະທານອົງການກາແດງແຫ່ງຊາດລາວ ກໍ່ໃຫ້ໄດ້ພົບປະໂອ້ລົມອ້າຍນ້ອງພະນັກງານກາແດງແຂວງຈຳປາສັກ
ເພື່ອຊຸກຍູ້ການຈັດຕັ້ງປະຕິບັດ ໃນຂົງເຂດວຽກງານກາແດງ, ການກໍ່ສ້າງພະນັກງານແລະວຽກງານອື່ນໃນໄລຍະຜ່ານມາ.