ອົງການກາແດງລາວ

CROIX ROUGE LAO

ປະທານອົງການກາແດງແຫ່ງຊາດລາວພົບປະເຈົ້າຄອງນະຄອນຫຼວງວຽງຈັນ

ໃນວັນທີ 4 ມີນາ 2022 ນີ້ ທ່ານ ຮສ ດຣ ພູທອນ ເມືອງປາກ ປະທານອົງການກາແດງແຫ່ງຊາດລາວ ພ້ອມດ້ວຍຄະນະ ໄດ້ເຂົ້າພົບທ່ານ ອາດສະພັງທອງ ສີພັນດອນ ເຈົ້າຄອນນະຄອນຫຼວງວຽງຈັນ ເພືອປຶກສາຫາລືວຽກງານກາແດງໃນການຊ່ວຍເຫລືອປະຊາຊົນຜູ້ທຸກຍາກແລະການຈັດຕັ້ງປະຕິບັດວຽກງານກາແດງໃນຕໍ່ຫນ້າໃຫ້ບັນລຸຕາມຄາດຫມາຍ,ອົງການກາແດງແຫ່ງຊາດລາວປະກອບມີ: 9 ໜ້າວຽກຕົ້ນຕໍເຊັ່ນ: ການຊ່ວຍເຫຼືອບັນເທົາທຸກເບື້ອງຕົ້ນ, ການປຸກລະດົມຂົນຂວາຍບໍລິຈາກເລືອດ ແລະ ສະໜອງເລືອດ, ການສົ່ງເສີມສຸຂະພາບຂັ້ນພື້ນຖານ, ການປະຖົມພະຍາບານ, ການກູ້ໄພສຸກເສີນ, ການໂຄສະນາຂົນຂວາຍແຫຼ່ງທຶນ, ການສ້າງສະມາຊິກ ແລະ ອາສາສະໝັກກາແດງ, ການສືບທາວຫາຍາດພີ່ນ້ອງ ແລະ ການພົວພັນ ແລະ ຮ່ວມືສາກົນ ແລະ ວຽກອື່ນໆ….ໃນ ຕະຫຼອດໄລຍະຜ່ານມາອົງການກາແດງແຫ່ງຊາດລາວໄດ້ເອົາໃຈໃສ່ຊິວິດການເປັນຢູ່ປະຊາຊົນຜູ້ທຸກຍາກຂາດເຂີນ,ໃຫ້ການຊ່ວຍເຫຼືອບັນເທົາທຸກ, ການປຸກລະດົມຂົນຂວາຍບໍລິຈາກເລືອດ ແລະ ສະໜອງເລືອດ, ການກູ້ໄພສຸກເສີນ ,ເພື່ອໃຫ້ການຊ່ວຍສຸກເສີນຢ່າງທັນການ,ອົງການກາແດງແຫ່ງຊາດລາວໄດ້ກະຕຸກຊຸກຍູ້ກາແດງນະຄອນຫລວງໃນການເອົາໃຈໃສ່ຊ່ວຍເຫລືອຄອບຄົວປະຊາຊົນຜູ້ໄດ້ຮັບຜົນກະທົບຈາກອັກຄີໄພ,ຜູ້ທຸກຍາກຂາດເຂີນ,ປ່ຽວພອຍດ້ອຍໂອກາດແລະຜູ້ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ນຳອີກ