ອົງການກາແດງລາວ

CROIX ROUGE LAO

ຜູ້ບໍລິຈາກເລືອດ 1000 ຄົນ ຈະໄດ້ການຄຸ້ມຄອງປະກັນໄພ.

ໃນວັນທີ 29 ຕຸລາ 2021, ທີ່ ສູນເລືອດແຫ່ງຊາດ-ອົງການກາແດງລາວ ໄດ້ຈັດພິທີເຊັນບົດບັນທຶກການຮ່ວມມືຄວາມເຂົ້າໃຈໃນການປະກັນໄພ ໃຫ້ແກ່ຜູ້ບໍລິຈາກເລືອດຟຣີໃນເວລາອຸປະຕິເຫດ ສ່ວນບຸກຄົນ ,ໃນພິທີເຊັນສັນຍາລະຫວ່າງ ສູນເລືອດແຫ່ງຊາດ-ອົງການກາແດງລາວ ແລະ ບໍລິສັດ ພົງສະຫວັນ ປະກັນໄພ (ເອພີເອ) ຈຳກັດ (ພົງສະຫວັນ ປະກັນໄພ) ຊຶ່ງເປັນການມອບຄວາມຄຸ້ມຄອງໃຫ້ແກ່ຜູ້ທີ່ສະໝັກໃຈບໍລິຈາກເລືອດທີ່ ສູນເລືອດແຫ່ງຊາດ-ອົງການກາແດງລາວ ໃນຈຳນວນ 1,000 ຄົນ, ເຊິ່ງຈະໄດ້ເລີ່ມຈັດຕັ້ງປະຕິບັດຕັ້ງແຕ່ວັນທີ່ 01 ພະຈິກ2021 ເປັນຕົ້ນໄປ ຈົນກວ່າຄົບຈໍານວນ, ຊຶ່ງປະກັນໄພອຸປະຕິເຫດສ່ວນບຸກຄົນແມ່ນພ້ອມໃຫ້ຄວາມຄຸ້ມຄອງ 24/7 ຕໍ່ບຸກຄົນ ແລະ ທົດແທນຄ່າໃຊ້ຈ່າຍຕ່າງໆທີ່ເກີດຈາກອຸປະຕິເຫດຈາກການດຳລົງຊີວິດປະຈຳວັນ ທີ່ມີວົງເງິນຄຸ້ມຄອງສູງສຸດເຖິງ 5,000,000 ກີບ ເປັນໄລຍະເວລາ 01 ປີເຕັມ.
ໃນພິທີດັ່ງກ່າວ, ນາງ ວຽງໄຊ ປຣະພາສິຣິ ຜູ້ຮັບຜິດຊອບຝ່າຍບໍລິຫານ ແລະ ບຸກຄະລາກອນ ຂອງ ບໍລິສັດພົງສະຫວັນ ປະກັນໄພ (ເອພີເອ), ກໍ່ໄດ້ກ່າວຈຸດປະສົງໃນການຊ່ວຍເຫລືອໃນຄັ້ງນີ້: ຊຶ່ງຖືເປັນຄວາມພາກພູມໃຈ ເປັນຢ່າງຍິ່ງ ຂອງ ບໍລິສັດ ພົງສະຫວັນ ປະກັນໄພ (ເອພີເອ) ທີ່ໄດ້ມອບການຊ່ວຍເຫຼືອລ້າດັ່ງກ່າວຢ່າງເປັນທາງການໃນວັນນີ້,ການປະກອບສ່ວນດັ່ງກ່າວ ແມ່ນໜຶ່ງໃນຈໍານວນກິດຈະກໍາຕ່າງໆ ກ່ຽວກັບ ການປະກອບສ່ວນຊ່ວຍສັງຄົມ ຂອງ ບໍລິສັດ ແລະ ເປັນການຕອບແທນຄືນແກ່ຜູ້ທີ່ສະໝັກໃຈໃນການຮ່ວມບໍລິຈາກເລືອດ, ດັ່ງທີ່ພວກເຮົາ ໄດ້ຮັບຮູ້ວ່າ ການບໍລິຈາກເລືອດ ແມ່ນການຊ່ວຍຊີວິດຄົນ ແລະ ຄວາມຕ້ອງການເລືອດໃນແຕ່ລະມື້ ແມ່ນມີຫຼາຍສົມຄວນ ຊຶ່ງເປັນບັນຫານຶ່ງ ທີ່ທຸກຄົນໃນສັງຄົມຜູ້ທີ່ມີຄວາມພ້ອມ ຕ້ອງໄດ້ຊ່ວຍກັນບໍລິຈາກເລືອດ ໃຫ້ແກ່ສູນເລືອດແຫ່ງຊາດ. ບໍລິສັດ ພວກເຮົາມີຄວາມພູມໃຈເປັນຢ່າງຍິ່ງ ທີ່ ໄດ້ມີສ່ວນຮ່ວມໃນການລະດົມມວນຊົນເພື່ອບໍລິຈາກເລືອດ ເພື່ອຫຼຸດຜ່ອນການຂາດແຄນເລືອດ ໃຫ້ກັບຄວາມຕ້ອງການຂອງຜູ້ເຈັບປ່ວຍ, ວຽກງານດັ່ງກ່າວນີ້ເກີດຂື້ນໄດ້ ກໍ່ຍ້ອນການເຫັນດີເປັນເອກະພາບ ຈາກ ສູນເລືອດແຫ່ງຊາດ-ອົງການກາແດງລາວ ທີ່ໃຫ້ໂອກາດ ບໍລິສັດ ພົງສະຫວັນ ປະກັນໄພ (ເອພີເອ) ໄດ້ມີສ່ວນຮ່ວມໃນການລະດົມມວນຊົນເພື່ອບໍລິຈາກເລືອດ ແລະ ຂໍສະແດງຄວາມຊົມເຊີຍ ມາຍັງ ຜູ້ບໍລິຫານ ແລະ ທີມງານ ຂອງທັງສອງພາກສ່ວນ ທີ່ໄດ້ ເຮັດວຽກຮ່ວມກັນ, ປະສານງານ, ປືກສາຫາລືກັນ ຈຶ່ງເຮັດໃຫ້ວຽກງານດັ່ງກ່າວເກີດຂື້ນໄດ້ ແລະ ກໍຫວັງຢ່າງຍິ່ງວ່າ ມວນຊົນທີ່ສະໝັກໃຈບໍລິຈາກເລືອດໃຫ້ແກ່ສູນເລືອດແຫ່ງຊາດ ອົງການກາແດງລາວຈະນັບມື້ນັບເພີ້ມຂື້ນ.
ບົດບັນທຶກການຮ່ວມມືໃນຄັ້ງນີ້ໄດ້ຮັບການລົງນາມໂດຍ ທ່ານ ດີນ ໂຣບິນສັນ, ຜູ້ອຳນວຍການໃຫຍ່, ບໍລິສັດ ພົງສະຫວັນ ປະກັນໄພ (ເອພີເອ) ຈໍາກັດ ແລະ ດຣ ຈັນທະລາ ສຸກສາຄອນ, ຫົວຫນ້າ ສູນເລືອດແຫ່ງຊາດ-ອົງການກາແດງລາວ.ນອກຈາກນີ້ຍັງມີຄະນະນຳຂອງທັງສອງຝ່າຍເຂົ້າຮ່ວມເປັນສັກຂີພະຍານ ຊຶ່ງນຳພາໂດຍ ທ່ານ ຮສ.ດຮ ພູທອນ ເມືອງປາກ, ປະທານອົງການກາແດງລາວ ແລະ ທ່ານ ນາງ ແສງດາວ ບຸພະກອນຄຳ,ປະທານສະພາບໍລິຫານ ບໍລິສັດ ພົງສະຫວັນ ປະກັນໄພ (ເອພີເອ) ຈໍາກັດ ພ້ອມດ້ວຍຄະນະ.ຫຼັງຈາກສຳເລັດການເຊັນບົດບັນທຶກການຮ່ວມມືແລ້ວ, ທີມງານຂອງ ບໍລິສັດ ພົງສະຫວັນ ປະກັນໄພ (ເອພີເອ) ຈຳກັດ ກໍ່ໄດ້ມີການປະກອບສ່ວນໃນການບໍລິຈາກເລືອດອີກດ້ວຍ.อาจเป็นรูปภาพของ หนึ่งคนขึ้นไป, ผู้คนกำลังยืน และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังยืน และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง, ผู้คนกำลังยืน และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง, ผู้คนกำลังยืน และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังยืน, ผู้คนกำลังนั่ง, สำนักงาน และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง, ผู้คนกำลังยืน และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง และ สถานที่ในร่มอาจเป็นรูปภาพของ กำลังยืน และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังยืน, ผู้คนกำลังนั่ง และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังยืน และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังยืน, โรงพยาบาล และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง, ผู้คนกำลังยืน และ สถานที่ในร่มอาจเป็นรูปภาพของ หนึ่งคนขึ้นไป และ สถานที่ในร่มอาจเป็นรูปภาพของ หนึ่งคนขึ้นไป และ ผู้คนกำลังนั่ง