ອົງການກາແດງລາວ

CROIX ROUGE LAO

ຝຶກອົບຮົມການຊ່ວຍເຫຼືອດ້ວຍເງິນສົດ ແລະ ການເກັບກຳຂໍ້ມູນໂດຍການນຳໃຊ້ໂປແກັມທັນສະໄຫມ

ໃນລະຫວ່າງວັນທີ 10-12 ພຶດສະພາ 2022, ອົງການກາແດງແຫ່ງຊາດລາວ ໄດ້ຈັດຝຶກອົບຮົມກ່ຽວກັບ ວຽກງານການການຊ່ວຍເຫຼືອດ້ວຍເງິນສົດ, ບັດແທນເງິນສົດ,ການບໍລິຫານ ແລະ ການເກັບກຳຂໍ້ມູນໂດຍການນຳໃຊ້ໂປແກມໂກໂບ້ ທູບັອກ(KOBO Toolbox) ຜ່ານໂທລະສັບໃນການເກັບກຳຂໍ້ມູນ ໃຫ້ແກ່ບັນດາພະນັກງານກາແດງແຂວງພາກໃຕ້. ການຝຶກອົບຮົມຈັດຂື້ນທີ່ຫ້ອງປະຊຸມ ສວນອາຫານໜອງປາ ຫຼັກ 4ແຂວງ ຄໍາມ່ວນ, ໂດຍການເປັນປະທານຂອງທ່ານ ຣສ.ດຣ. ສິງ ເມໂນລາດ ຮອງປະທານອົງການກາແດງແຫ່ງຊາດລາວ, ມີຫົວໜ້າຫ້ອງການ, ຮອງຫົວໜ້າກອງ, ຄູຝຶກທີ່ມາຈາກສະຫະພັນກາແດງ ແລະ ຊີກວົງເດືອນແດງສາກົນແລະນັກສຳມະນາກອນຈາກ ກາແດງແຂວງພາກໃຕ້ ລວມ 18 ທ່ານ , ຍິງ 06 ທ່ານ.
ໃນການຝຶກອົບຮົມໃນຄັ້ງນີ້; ແມ່ນເພື່ອເປັນການສ້າງຄວາມເຂັ້ມແຂງໃຫ້ແກ່ພະນັກງານກາແດງແຂວງ ໃຫ້ມີຄວາມຮູ້ຄວາມເຂົ້າໃນວຽກງານການການນຳໃຊ້ເງິນສົດເຂົ້າໃນການຊ່ວຍເຫຼືອແລະ ບັດແທນເງິນສົດ ໃນເວລາເກີດເຫດການສຸກເສີນ, ໄພພິບັດຕ່າງໆ ເພື່ອເປັນບົດຮຽນຂັ້ນພື້ນຖານໃຫ້ແກ່ພະນັກງານ ແລະການແນະນຳໃຫ້ປະຊາຊົນແລະການນຳໃຊ້ໂປແກມໂກໂບ້ ທູບ(KOBO Toolbox)ຜ່ານອຸປະກອນ(ໂທລະສັບ) ເຂົ້າໃນວຽກງານຊ່ວຍເຫລືອບັນເທົາທຸກແກ່ພະນັກງານກາແດງແຂວງໃຫ້ຄວາມສະດວກແລະທັນສະໃຫມຂື້ນ,ໂດຍການສະຫນັບສະຫນູສະຫະພັນກາແດງແລະຊີກວົງເດືອນແດງສາກົນ (IFRC).