ອົງການກາແດງລາວ

CROIX ROUGE LAO

ພະນັກງານຄະນະຈັດຕັ້ງສູນກາງພັກຫາວຫັນບໍລິຈາກເລືອດເພືອຊ່ວຍເຫລືອປະຊາຊົນ

ໃນວັນທີ 5ເມສາ 2019 ນີ້ ສູນເລືອດແຫ່ງຊາດ ອົງການກາແດງລາວໄດ້ໄປຮັບບໍລີຢູ່ທີ່ຄະນະຈັດຕັ້ງສູນກາງພັກ ຈັດຕັ້ງກິດຈະກຳເຊີ່ງມີພະນັກງານເຂົ້າຮ່ວມຢ່າງເປັນຂະບວນແລະພົດຟື້ນ, ການຮັບບໍລິຈາກ ຂຶ້ນ ທີ່ຫ້ອງປະຊຸມຄະນະຈັດຕັ້ງສູນກາງພັກ.
ໂດຍເປັນກຽດເຂົ້າຮ່ວມຂອງທ່ານ ນາງ ວົງຄຳ ສຸທຳມະວົງ ຄະນະພັກ,ຫົວໜ້າຫ້ອງການຄະນະຈັດຕັ້ງສູນກາງພັກ; ທ່ານ ດຣ ສິງ ເມໂນລາດ ຮອງປະທານອົງການກາແດງລາວ ພ້ອມດ້ວຍ ພະນັກງານພາຍໃນ ແລະ ອ້ອມຂ້າງເຂົ້າຮ່ວມຢ່າງຫຼວງຫຼາຍ , ຈຸດປະສົງຂອງການບໍລິຈາກຄັ້ງນີ້ກໍເພື່ອເປັນການຂຳນັບຮັບຕ້ອນວັນສ້າງຕັ້ງພັກປະຊາຊົນປະຕິວັດລາວຄົບຮອບ 64ປີ(22/03/1955-22/03/2019) ພ້ອມທັງເປັນການສ້າງຂະບວນການເພື່ອຊ່ວຍເຫຼືອສັງຄົມ ໂດຍສະເພາະຄົນເຈັບທີ່ຕ້ອງການໃສ່ເລືອດ, ທີ່ການຂາດເລືອດ, ຜາຕັດໃຫຍ່,ແລະ ອື່ນໆ ກິດຈະກຳດັ່ງກ່າວໄດ້ດຳເນີນໄປເປັນເວລາໜຶ່ງວັນ ສາມາດໄດ້ເລືອດທັງໝົດ 84 ຖົງ.