ອົງການກາແດງລາວ

CROIX ROUGE LAO

ພະນັກງານເມືອງ ວຽງທອງ ແຂວງ ບໍລິຄຳໄຊ ຮ່ວມໃຈບໍລິຈາກເລືອດດ້ວຍຄວາມສະໝັກໃຈ

ໃນເຊົ້າວັນທີ່ 16 ພະຈິກ 2021 ຢູ່ທີຫ້ອງວ່າການເມືອງ ວຽງທອງ, ແຂວງ ບໍລິຄໍາໄຊ ທີມງານອົງການກາແດງແຂວງບໍລິຄໍາໄຊ, ສົມທົບກັບຫ້ອງການ ແຮງງານ ແລະ ສະຫວັດດີການສັງຄົມ ເມືອງວຽງທອງ ເປີດຮັບບໍລິຈາກເລືອດແບບຄວາມສະໝັກໃຈໂດຍບໍ່ຮຽກຮ້ອງເອົາຄ່າຕອບແທນ.ໂດຍເປັນກຽດເຂົ້າຮ່ວມຂອງ ທ່ານ ບົວພັນ ອີນຄຳມະວົງ ຮອງເຈົ້າເມືອງວຽງທອງ, ຜູ້ຊີ້ນໍາຂົງເຂດວັດທະນະທໍາ-ສັງຄົມ, ໃນການບໍລິຈາກເລືອດໃນຄັ້ງນີ້ມີພະນັກງານລັດຖະກອນຢູ່ຂົງເຂດປົກຄອງເມືອງ ສະໝັກໃຈບໍລິຈາກເລືອດຈຳນວນ 14 ທ່ານ, ຍິງ 9 ທ່ານ, ໄດ້ເລືອດທັງໝົດ14 ຖົງ, ຂ່າວຍັງໄດ້ແຈ້ງໃຫ້ຮູ້ຕື່ມອີກວ່າ ໃນມື້ດຽວກັນນີ້, ຢູ່ທີ່ກອງພັນ 617 ທະຫານແຂວງ ບໍລິຄຳໄຊ ທີມງານອົງການກາແດງແຂວງບໍລີຄຳໄຊ ໄດ້ລົງເຄື່ອນໄຫວຮັບບໍລິຈາກເລືອດນຳ ພະນັກງານ-ນັກຮົບ ແບບສະມັກໃຈໂດຍບໍ່ຮຽກຮ້ອງສີ່ງຕອບແທນໂດຍການເຂົ້າຮວ່ມຂອງຄະນະພັກຄະນະບັນຊາ ພະນັກງານ-ນັກຮົບທົ່ວກອງພັນເຂົ້າຮວ່ມ ໃນນັ້ນມີຜູ້ສະມັກໃຈບໍລິຈາກ32ສະຫາຍ, ຜ່ານການກວດສຸຂະພາບຕົວຈີງ ສາມາດບໍລິຈາກເລືອດ 29 ສະຫາຍ,ຍິງ3 ສະຫາຍ, ໄດ້ເລືອດທັງໜົດ29ຖົງ.ຕອນທ້າຍ,ອົງການກາແດງແຂວງກໍ່ໄດ້ມອບຂອງຂວັນທີ່ລະນືກ ແລະ ໃບຍ້ອງຍໍໃຫ້ແກ່ຜູ້ສະມັກໃຈໃນຄັ້ງນີ້.