ອົງການກາແດງລາວ

CROIX ROUGE LAO

ພິ​ທີ​ປະ​ກາດ​ການ​ຈັດ​ຕັ້ງ​ຫົວ​ໜ້າ​ພະ​ແນກ,ຮອງ​ພະ​ແນກ​ ຂອງ​ອົງ​ການ​ກາ​ແດງ​ລາວ.

ໃນ​ຕອນ​ເຊົ້າ​ຂອງວັນ​ທີ 4 ມີ​ຖຸ​ນາ 2019 ນີ້ ຢູ່​ທີ່​ຫ້ອງ​ປະ​ຊຸມ​ອົງ​ການ​ກາ​ແດງ​ລາວ​ໄດ້​ມີ​ພິ​ທີ​ປະ​ກາດ​ແຕ່ງ​ຕັ້ງ​ຫົວ​ໜ້າ​ພະ​ແນກ ແລ ະ​ຮອງ​ພະ​ແນກ​ຂອງ​ອົງ​ການ​ກາ​ແດງ​ລາວ.
​ໂດຍ​ພາຍ​ໃຕ້​ການ​ເຂົ້າ​ຮ່ວມ​ຂອງ​ທ່ານ ຄຳ​ຮຸ່ງ ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ, ທ່ານ ຮ​ສ​ຈ ດ​ຣ ສິງ ເມ​ໂນ​ລາດ ຮອງ​ປະ​ທານ​ອົງ​ການ​ກາ​ແດງ​ລາວ ພ້ອມ​ດ້ວຍ​ຫົວ​ໜ້າ​ກອງ, ຮອງກອງ, ​ຫົວ​ໜ້າ​ສູນ,ຮອງ​ສູນ, ຫົວ​ໜ້າ​ພະ​ແນກ,ຮອງ​ພະ​ແນກ ຕະຫຼອດ​ຮອດ​ພະ​ນັກ​ງານ​ວິ​ຊາ​ການ​ເຂົ້າ​ຮ່ວມ.


ໃນ​ພິ​ທີ ທ່ານ ຄອນ​ສະ​ຫວັນ ຈັນ​ທະ​ຄາມ ຫົວ​ໜ້າ​ຫ້ອງ​ການ​ອົງ​ການ​ກາ​ແດງ​ລາວ​ໄດ້​ຂຶ້ນ​ຜ່ານ​ຂໍ້​ຕົກ​ລົງ​ວ່າ​ດ້ວຍ​ການ​ແຕ່ງ​ຕັ້ງ ​​ສະ​ບັບ​ເລກ​ທີ 196-203 ລົງ​ວັນ​ທີ 9 ພຶດ​ສະ​ພາ 2019 ເຊິ່ງ​ມີລາຍ​ຊື່​ດັ່ງ​ລຸ່ມ​ນີ້: 1. ທ່ານ ຂັນ​ແກ້ວ ວໍ​ລະ​ວົງ ວ່າ​ການ​ຫົວ​ໜ້າ​ພະ​ແນກ ການ​ເງິນ​ອົງ​ການ​ກາ​ແດງ​ລາວ ເປັນ​ຫວົ​ໜ້າ​ພະ​ແນກ​ການ​ເງິນ ອົງ​ການ​ກາ​ແດງ​ລາວ;2. ທ່ານ ນາງ ວັນ​ວິ​ລຸນ ຮອງ​ຫົວ​ໜ້າ​ພະ​ແນກກວດ​ກາ​ຄ​ຸນ​ນະ​ພາບ ແລະ ອົບ​ຮົມ ສູນ​ເລືອດ​ແຫ່ງ​ຊາດ ອົງ​ການ​ກາ​ແດງ​ລາວ ເປັນ​ຫົວ​ໜ້າ​ພະ​ແນກກວດ​ກາ​ຄ​ຸນ​ນະ​ພາບ ແລະ ອົບ​ຮົມ ສູນ​ເລືອດ​ແຫ່ງ​ຊາດ ອົງ​ການ​ກາ​ແດງ​ລາວ; 3. ທ່ານ ນາງ ພອນ​ດາ​ວັນ ສານ​ບຸນ​ລື​ໄຊ ວິ​ຊາ​ການ ​ພະ​ແນກ​ພົວ​ພັນ ແລະ ຮ່ວມ​ມື​ຕ່າງ​ປະ​ເທດ ຫ້ອງ​ການ​ອົງ​ການ​ກາ​ແດງ​ລາວ ເປັນຮອງ​ຫົວ​ໜ້າ​ພະ​ແນກ​ພົວ​ພັນ ແລະ ຮ່ວມ​ມື​ຕ່າງ​ປະ​ເທດ ຫ້ອງ​ການ​ອົງ​ການ​ກາ​ແດງ​ລາວ;4. ທ່ານ​ຄຳຫຼ້າ ພົມ​ພັກ​ດີ ວິ​ຊາ​ການ​ພະ​ແນກ​ຄຸ້ມ​ຄອງ​ອາ​ສາ​ສະ​ໝັກ​ຊາວ​ໜຸ່ມກາ​ແດງ​ລາວ ກອງ​ໂຄ​ສະ​ນາ ແລະ ຂົນ​ຂວາຍ​ການ​ກຸ​ສົນ ອົງ​ການ​ກາ​ແດງ​ລາວ ເປັນ​ຮອງ​ຫົວ​ໜ້າ​ພະ​ແນກຄຸ້ມ​ຄອງ​ອາ​ສາ​ສະ​ໝັກ​ຊາວ​ໜຸ່ມກາ​ແດງ​ລາວ ກອງ​ໂຄ​ສະ​ນາ ແລະ ຂົນ​ຂວາຍ​ການ​ກຸ​ສົນ ອົງ​ການ​ກາ​ແດງ​ລາວ; 5. ທ່ານ ບຸນ​ທະ​ວີ ໄຊ​ອ່ອນ ວິ​ຊາ​ການ​ພະ​ແນກ​ບໍ​ລິ​ຫານ-ແຜນ​ການ ກອງ​ໂຄ​ສະ​ນາ ແລະ ຂົນ​ຂວາຍ​ການ​ກຸ​ສົນ ອົງ​ການ​ກາ​ແດງ​ລາວ ເປັນ​ຮອງ​ຫົວ​ໜ້າ​ພະ​ແນກພະ​ແນກ​ບໍ​ລິ​ຫານ-ແຜນ​ການ ກອງ​ໂຄ​ສະ​ນາ ແລະ ຂົນ​ຂວາຍ​ການ​ກຸ​ສົນ ອົງ​ການ​ກາ​ແດງ​ລາວ; 6.ທ່ານ ນາງ ຈັນ​ສຸກ ໄຊ​ຍະ​ວົງ ວິ​ຊາ​ການ​ພະ​ແນກ​ສົ່ງ​ເສີມ​ສຸ​ຂະ​ພາບ ກອງ​ສົ່ງ​ເສີມ​ສຸ​ຂະ​ພາບ​ຊຸມ​ຊົນ ອົງ​ການ​ກາ​ແດງ​ລາວ ເປັນຮອງ​ຫົວ​ໜ້າ​ພະ​ແນກ​ສົ່ງ​ເສີມ​ສຸ​ຂະ​ພາບ ກອງ​ສົ່ງ​ເສີມ​ສຸ​ຂະ​ພາບ​ຊຸມ​ຊົນ ອົງ​ການ​ກາ​ແດງ​ລາວ; 7. ທ່ານ ນາງ ສຸ​ລັດ​ດາ ຈັນ​ດາ​ລາ ວິ​ຊາ​ການ​ພະ​ແນກ​ປຸກ​ລະ​ດົມ ແລະ ຮັບ​ບໍ​ລິ​ຈາກ​ເລືອດ ສູນ​ເລືອດ​ແຫ່ງ​ຊາດ ອົງ​ການ​ກາ​ແດງ​ລາວ ເປັນ​ຮອງ​ຫົວ​ໜ້າ​ພະ​ແນກ​ປຸກ​ລະ​ດົມ ແລະ ຮັບ​ບໍ​ລິ​ຈາກ​ເລືອດ ສູນ​ເລືອດ​ແຫ່ງ​ຊາດ ອົງ​ການ​ກາ​ແດງ​ລາວ ແລະ ແຕ່ງ​ຕັ້ງ​ທ່ານ ວົງ​ເກັ່ງ ຮອງ​ຫົວ​ໜ້າ​ພະ​ແນກ​ພະ​ແນກ​ປຸກ​ລະ​ດົມ ແລະ ຮັບ​ບໍ​ລິ​ຈາກ​ເລືອດ ສູນ​ເລືອດ​ແຫ່ງ​ຊາດ ອົງ​ການ​ກາ​ແດງ​ລາວ ຍ້າຍ​ໄປ​ເປັນ​ຮອງ​ພະ​ແນກພະ​ແນກກວດ​ກາ​ຄ​ຸນ​ນະ​ພາບ ແລະ ອົບ​ຮົມສູນ​ເລືອດ​ແຫ່ງ​ຊາດ ອົງ​ການ​ກາ​ແດງ​ລາວ ແລະ ໄດ້ຮັບ​ເອົາ​ພະ​ນັກ​ງານ​ທີ່​ຍົກ​ຍ້າຍ​ຈາກ​ກົມ​ກອງ​ອື່ນ​ເພື່ອ​ມາ​ຮັບ​ໜ້າ​ທີ່​ໃໝ່​ຢູ່​ທີ່​ອົງ​ການ​ກາ​ແດງ​ລາວ​.


ໃນ​ພິ​ທີ​ທ່ານ ຄຳ​ຮຸ່ງ​ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ​ໄດ້​​ສະ​ແດງ​ຄວາມ​ຍິນ​ດີ​​ຊົມ​ເຊີຍນຳ​ບັນ​ດາ​ສະ​ຫາຍ​ທີ່​ໄດ້​ເຂົ້າ​ຮັບ​ໜ້າ​ທີ່​ຕຳ​ແໜ່ງ​ໃໝ່​ນີ້, ​ພ້ອມ​ທັງໃຫ້​ທິດ​ຊີ້​ນຳ​ໂອ້​ລົມ​ບາງ​ບັນ​ຫາ​ໃຫ້​ພະ​ນັກ​ງານ​ທີ່​ເຂົ້າ​ຮັບ​ໜ້າ​ທີ່​ໃໝ່​ນີ້​ຈົ່ງ​ພ້ອມ​ກັນ​ເອົາ​ໃຈ​ໃສ່ ເຊິ່ງ​ທ່ານ​ໄດ້​ຍົກ​ໃຫ້​ເຫັນ​ວ່າ​ການ​ຈັດ​ຕັ້ງ​ໜຶ່ງ​ແມ່ນ​ເລີ່ມ​ຈາກ​ສອງ​ຄົນ​ຂຶ້ນ​ໄປ ແລະ ມີ​ໜ້າ​ທີ່​ຕາມ​ລຳ​ດັບ​ຂອງ​ການ​ຈັດ​ຕັ້ງ ເຊິ່ງ​ບັນ​ດາ​ສະ​ຫາຍ​ທີ່​ເຂົ້າ​ຮັບ​ໜ້າ​ທີ່​ໃໝ່​ນີ້​ເພື່ອ​ການ​ພັດ​ທະ​ນາ, ປັບ​ປຸງ​ໃຫ້​ກັບ​ກົງ​ຈັກ​ການ​ຈັດ​ຕັ້ງ​ຂອງ​ອົງ​ການ​ກາ​ແດງ​ລາວ​ໃຫ້​ຖືກ​ຕ້ອງ ແລະ ​ສອດ​ຄອງ ເຊິ່ງ​ໄລ​ຍະ​ຜ່ານ​ມາ​ຄະ​ນະ​ນຳ​ໄດ້​ພ້ອມ​ກັນ​ປຶກ​ສາ​ຫາ​ລື​ທາບ​ທາມ​ນຳ​ແຕ່​ລະ​ຂັ້ນ​ຈຶ່ງ​ນຳ​ສະ​ເໜີທຸກ​ການ​ຈັດ​ຕັ້ງ​ຂອງ​ອົງ​ການ​ກາ​ແດງ​ລາວ​ຕ້ອງ​ໄດ້​ຮັບ​ຮູ້ ​ແລະ ເຂົ້າ​ໃຈ.