ອົງການກາແດງລາວ

CROIX ROUGE LAO

ມວນຊົນຊາວນະຄອນຫລວງວຽງຈັນພ້ອມກັນບໍລິຈາກເລືອດ 14 ມິຖຸນາ.

ໃນວັນທີ 14 ມິຖຸນາ 2019 ທີ່ສູນການຄາ້ລາວໄອເຕັກ ໄດ້ມີພິທີສະເຫລີມສະຫລອງ ວັນຜູ້ບໍລິຈາກເລືອດໂລກຂຶ້ນ ພາຍໃຕ້ການເປັນປະທານຂອງທ່ານ ຮສຈ. ດຮ. ສິງ ເມໂນລາດ ຮອງປະທານອົງການກາແດງລາວ ແລະ ທ່ານ ດຣ. ຈັນທະລາ ສຸກສາຄອນ ຫົວໜ້າສູນເລືອດແຫ່ງຊາດ ອົງການກາແດງລາວ, ມີບັນດາກະຊວງຕ່າງໆ, ອົງການຈັດຕັ້ງສາກົນ, ອົງການອະນາໄມໂລກ, ພະນັກງານ ທະຫານ ຕຳຫຼວດ ນັກຮຽນ ນັກສຶກສາ ແລະ ປະຊາຊົນຊາວນະຄອນຫລວງວຽງຈັກໄດ້ພ້ອມພາກັນຫລັງໄຫລໄປບໍລິຈາກເລືອດ ທັງເປັນການຮ່ວມງານສະເຫລີມສະຫລອງ ວັນທີ 14 ມິຖຸນາ ວັນຜູ້ບໍລິຈາກເລືອດໂລກ, ໃນພິທີ ທ່ານ ຮສຈ. ດຮ. ສິງ ເມໂນລາດ ຮອງປະທານອົງການກາແດງລາວ ໄດ້ຫວນຄືນຄວາມສຳຄັນ ຂອງ ວັນທີ 14 ມິຖຸນາ ຂອງທຸກໆປີ ເປັນການສະເຫຼີມສະຫຼອງ ແລະ ໃຫ້ຫັນໄດ້ຄວາມສຳຄັນ ແລະ ທັງເປັນວັນຄ້າຍວັນກີດ ຂອງທ່ານ ຄານ ແລນສະແກນເນີ ເປັນນັກວິທະຍາສາດແພດ ຊາວໂອຕິດ ທີ່ໄດ້ຄົ້ນພົບ ໝວດເລືອດ ABO ຜູ້ທຳອິດ ໃນປີ 1990 ດັ່ງນັ້ນ ໃນເດືອນພຶດສະພາ 2005 ໃນກອງປະຊຸມອົງການອະນາໄມໂລກ ຄັ້ງທີ 58 ໄດ້ມີການລົງນາມໃນຂໍ້ຕົກລົງໃນການສະໜັບສະໜູນເອົາວັນທີ 14 ມິຖຸນາ ເປັນວັນຜູ້ບໍລິຈາກເລືອດໂລກ ເຊິ່ງກິດຈະກຳປີນີ້ຈັດຂຶ້ນພາຍໃຕ້ຫົວຂໍ້: Safe Blood For All ເລືອດປອດໄພເພື່ອທຸກຄົນ.


ຂ້າພະເຈົ້າ ໃນນາມການນຳຂອງສູນເລືອດແຫ່ງຊາດ ຂໍສະແດງຄາມຮູ້ບຸນຄຸນ ແລະ ຂອບໃຈຢ່າງສູງມາຍັງບຸກຄົນ ກໍ່ຄືການຈັດຕັ້ງທີ່ໄດ້ປະກອບສ່ວນ ເຂົ້າໃນຂະບວນການບໍລິຈາກເລືອດຢ່າງຕັ້ງໜ້າ ທັງບໍລິຈາກເລືອດ, ປຸກລະດົມເຊີນຊວນ ແລະ ປະກອບສ່ວນທາງດ້ານວັດຖຸປັດໃຈ ເຂົ້າໃນການສະເຫຼີມສະເຫຼີມວັນຜູ້ບໍລິຈາກເລືອດໃນແຕ່ລະປີ; ໃນນັ້ນ ກໍ່ໄດ້ມີພິທີ ມອບໃບຍ້ອງຍໍໃຫ້ແກ່ຜູ້ອຸປະຖຳ ແລະ ຜູ້ບໍລິຈາກເລືອດ.

ນອກນັ້ນຍັງໄດ້ຮັບຊົມຊົມການສະແດງສິລະປະວັນນະຄະດີ ຈາກສິນລະປິນຊື່ດັງ ແລະ ນ້ອງນັກຮຽນ ນັກສຶກສາ; ພາຍໃນງານຍັງໄດ້ຈັດໃຫ້ມີການບໍລິຈາກເລືອດຂອງມວນຊົນ ແລະ ສັງຄົມຢ່າງຟົດຟື້ນ ໂດຍມີຜູ້ເຂົ້າຮ່ວມການບໍລິຈາກເລືອດທັງ 1000ຄົນ ໄດ້ເລືອດຕົວຈິງ 564 ຖົງ ເຊິ່ງເລືອດທີ່ໄດ້ຮັບການບໍລິຈາກໃນຄັ້ງນີ້ຈະໄດ້ນຳໄປວິເຄາະໃຫ້ປອດໄພ ແລະ ນຳໄປຊ່ວຍເຫຼືອຜູ້ປ່ວຍທີ່ຂາດແຄນເລືອດຢູ່ຕາມໂຮງໝໍແຫ່ງຕ່າງໆ.