ອົງການກາແດງລາວ

CROIX ROUGE LAO

ມອບເຄື່ອງຊ່ວຍເຫຼືອໃຫ້3ຄອບຄົວຂອງເມືອງໄຊພູທອງທີ່ຖືກໄຟໄໝ້ເຮືອນ

#ມອບເຄື່ອງຊ່ວຍເຫຼືອໃຫ້3ຄອບຄົວຂອງເມືອງໄຊພູທອງທີ່ຖືກໄຟໄໝ້ເຮືອນແລະມອບເຄື່ອງຊ່ວຍເຫືຼອຈາກຊາວສິງກະໂປຢູ່ສປປລາວໃຫ້ແກ່3ສູນຈໍາກັດບໍລິເວນຂອງເມືອງ
ໃນວັນທີ 15 ກັນຍາ 2021 ນີ້, ອົງການກາແດງລາວ ແຂວງສະຫວັນນເຂດ ໄດ້ສົມທົບກັບຫ້ອງການແຮງງານສະຫວັດດີການສັງຄົມເມືອງໄຊພູທອງ ໄດ້ລົງມອບເຄື່ອງຊ່ວຍເຫຼືອໃຫ້ 3 ຄອບຄົວທີ່ຖືກໄຟໄໝ້ເຮືອນ ຢູ່ເຂດກຸ່ມບ້ານທີ 5 ບ້ານຂົວດໍາ ໂດຍມີ ທ່ານ ນາງ ແສງພອນໄຊ ສີວິໄຊ ຮອງຫົວໜ້າອົງການກາແດງແຂວງສະຫວັນນະເຂດ, ທ່ານ ນາງ ທອງໃບ ສອນວິໄລ ກໍາມະການພັກເມືອງ ຫົວໜ້າຫ້ອງການ ແຮງງານສະຫວັນດີການສັງຄົມເມືອງໄຊພູທອງ ພ້ອມດ້ວຍເລຂາ-ນາຍບ້ານ ແລະ ຄອບຄົວຜູ້ຖືກຜົນກະທົບເຂົ້າຮ່ວມ.
ສໍາລັບເຄື່ອງທີ່ນໍາມາມອບ ໃນຄັ້ງນີ້ແມ່ນເຄື່ອງໃຊ້ໃນຄົວເຮືອນປະກອບມີ: ມຸ້ງ,ໝໍ້ໜຶ້ງ,ຖ້ວຍ,ຈານ,ຜ້າຫົ່ມ,ຖັງໃສ່ນໍ້າ,ສາດຢາງ,ເຄື່ອງນຸ່ງຫົ່ມ ແລະ ເຄື່ອງໃຊ້ອື່ນໆຈໍານວນໜຶ່ງ ລວມມູນຄ່າທັງໝົດ2.900.000 ກວ່າກີບ ເຊິ່ງກ່າວ ຮັບໂດຍ ທ້າວ ວັງ ອາຍຸ 56 ປີ ປະຊາຊົນບ້ານຂົວດໍາ ທີ່ເປັນຄອບຄົວທີ່ຖືກໄຟໄໝ້ເຮືອນ ໂດຍມີອໍານາດການປົກຄອງບ້ານ ເຂົ້າຮ່ວມ,ເຊີ່ງການກ່າວມອບຄັ້ງນີ້ ທ່ານໄດ້ ສະແດງຄວາມເປັນຫ່ວງ ເປັນໄຍຕໍ່ຄອບຄົວຜູ້ຖືກເຄາະຮ້າຍ ແລະ ຮຽກ ຮ້ອງໃຫ້ພໍ່ແມ່ປະຊາຊົນ,ພາກສ່ວນທີ່ກ່ຽວຂ້ອງປະກອບສ່ວນຊ່ວຍເຫຼືອໃຫ້ຫຼາຍຂື້ນຕື່ມ ເພາະການຊ່ວຍເຫຼືອນັ້ນຍັງບໍພຽງພໍ ,ເຖິງແມ່ນວ່າການຊ່ວຍເຫຼືອຄັ້ງນີ້ມັນຈະໜ້ອຍແຕ່ກໍ່ແມ່ນດ້ວຍຄວາມເປັນຫ່ວງເປັນໃຍຂອງພັກ ແລະ ລັດ ທີ່ມີຕໍ່ພໍ່ແມ່ປະຊາຊົນ ແລະ ຄອບຄົວຜູ້ທີ່ປະສົບເຄາະຮ້າຍຈາກເຫດການໄຟໄໝ້ເຮືອນ.
ຈາກນັ້ນ,ກໍ່ຍັງໄດ້ນໍາເຄື່ອງຊ່ວຍເຫືຼອຈາກຊາວສິງກະໂປຢູ ສປປ ລາວ ມອບໃຫ້ແກ່ສູນຈໍາກັດບໍລິເວນ ພ້ອມທັງໄດ້ສີດພົ່ນຢາຂ້າເຊື້ອໃຫ້ສູນຈໍາກັດບໍລິເວນຈໍານວນ 03 ສູນຄື: ສູນມໍສໍ ນາຄໍາ,ມໍສໍ ພູມມະເຈດີ ແລະ ສູນມໍສໍ ໄຊພູທອງ ພ້ອມທັງແຈກຢາຍເຄື່ອງຊ່ວຍເຫຼືອໃຫ້ແກ່ຜູ້ຈໍາກັດບໍລິເວນພາຍໃນສູນດັ່ງກ່າວຕື່ມອີກ. ເພື່ອປະກອບສ່ວນບັນເທົາທຸກ ແລະ ເປັນຂວັນກຳລັງໃຈແກ່ເຂົາເຈົ້າ ໃຫ້ສາມາດຜ່ານຜ່າວິກິດການດັ່ງກ່າວ ແນໃສ່ເຮັດໃຫ້ເຂົາເຈົ້າຕັ້ງໃຈປະກອບສ່ວນ ແລະ ເປັນເຈົ້າການໃນການຈັດຕັ້ງປະຕິບັດບັນດາມາດຕະການທີ່ທາງຄະນະສະເພາະກິດໄດ້ວາງອອກຢ່າງເຂັ້ມງວດ ເພື່ອເຮັດໃຫ້ວຽກງານການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ພາຍໃນແຂວງ ສະຫວັນນະເຂດ ເວົ້າລວມ,ເວົ້າສະເພາະກໍ່ຄືຢູ່ເມືອງໄຊພູທອງ ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນດີຂຶ້ນ.
อาจเป็นรูปภาพของ 6 คน, ผู้คนกำลังยืน, กลางแจ้ง และต้นไม้อาจเป็นรูปภาพของ กลางแจ้ง และต้นไม้อาจเป็นรูปภาพของ 4 คน, ผู้คนกำลังยืน และกลางแจ้งอาจเป็นรูปภาพของ 1 คน และกำลังยืนอาจเป็นรูปภาพของ 7 คน, ผู้คนกำลังยืน และกลางแจ้งอาจเป็นรูปภาพของ 2 คน, ผู้คนกำลังยืน, กลางแจ้ง และต้นไม้อาจเป็นรูปภาพของ 7 คน, ผู้คนกำลังยืน, กลางแจ้ง และต้นไม้อาจเป็นรูปภาพของ 1 คน, กำลังยืน, ต้นไม้ และกลางแจ้งอาจเป็นรูปภาพของ หนึ่งคนขึ้นไป, ผู้คนกำลังยืน, ต้นไม้, พื้นหญ้า และท้องฟ้า