ອົງການກາແດງລາວ

CROIX ROUGE LAO

ມອບໃບຍ້ອງຍໍໃຫ້ແກ່ພະນັກງານກາແດງ.

 

ໃນວັນທີ 24 ກໍລະກົດ 2019 ອົງການກາແດງລາວໄດ້ຈັດພິທີມອບໃບຍ້ອງຍໍໃຫ້ພະນັກງານ, ລັດຖະກອນ ທີ່ມີຜົນງານດີເດັ່ນ ປະຈຳປີ 2018 ໂດຍການໃຫ້ກຽດເຂົ້າຮ່ວມຂອງທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ, ມີທ່ານ ຮສ.ດຣ. ສິງ ເມໂນລາດ ຮອງປະທານອົງການກາແດງລາວ, ມີບັນດາຫົວໜ້າກອງ, ອ້າຍນ້ອງພະນັກງານກາແດງ ເຂົ້າຮ່ວມຢ່າງພ້ອມພຽງ ໃນພິທີທ່ານ ຄຳຮຸ່ງ ເຮືອງວົງສີ ກໍ່ໃຫ້ກຽດມອບໃບຍ້ອງຍໍສັນລະເສີນ ບຸກຄົນດີເດັ່ນ ແລະ ກົມກອງລວມໝູ່ ປະຈຳປີ 2018.

ໃນນີ້ ປະເພດ I ໄດ້ຮັບໃບຍ້ອງຍໍ ຈາກກະຊວງແຮງງານ ແລະ ສະຫວັດດີການສັງຄົມ ມີ 41 ທ່ານ, ປະເພດ II ໄດ້ຮັບໃບຊົມເຊີຍ ມີ 46 ທ່ານ, ມອບບັດບຳນານໃຫ້ພະນັກງານ 3 ທ່ານ, ບຳເນັດ 1 ທ່ານ.


ນອກຈາກນັ້ນ, ທ່ານກໍ່ຍັງໄດ້ໃຫ້ກຽດໂອ້ລົມພະນັກງານ ລັດຖະກອນ ພາຍໃນອົງການກາແດງລາວ ຍົກໃຫ້ເຫັນເຖິງຄວາມສຳຄັນ ໃນການມອບໃບຍ້ອງຍໍ ແລະ ໃບຊົມເຊີຍ ໃນຄັ້ງນີ້ ເຊິ່ງເປັນການ ຊຸກຍູ້ກຳລັງໃຈ, ເປັນການ ຢັ້ງຢືນຕໍ່ຜົນງານ ທີ່ມີຜົນສຳເລັດ ແລະ ຄວາມຮັບຜິດຊອບສູງ ໃນ 1 ປີຜ່ານມາ ພ້ອມນັ້ນ ທ່ານ ຍັງໄດ້ຮຽກຮ້ອງ ມາຍັງຄະນະນຳ, ຫົວໜ້າກອງ ແລະ ພະນັກງານອົງການກາແດງລາວ ທີ່ເປັນຈຸດສູນກາງ ຈົ່ງສືບຕໍ່ເສີມຂະຫຍາຍ ພາລະບົດບາດ ຂອງກາແດງ, ການບໍລິການຮັບໃຊ້ສັງຄົມທີ່ດີ ແລະ ການປະສານງານທີ່ດີ ເພື່ອຮັບໃຊ້ສັງຄົມ