ອົງການກາແດງລາວ

CROIX ROUGE LAO

ມູນນິທິຮ່ວມໃຈພັດທະນາປະກອບສ່ວນເຂົ້າສານ ແລະ ນໍ້າດື່ມໃຫ້ກັບອົງການກາເເດງລາວ

ໃນວັນທີ 25 ມີຖຸນາ 2021 ນີ້ ມູນນິທິຮ່ວມໃຈພັດທະນາ ນຳໂດຍ ທ່ານ ພູວົງ ພະມີສິດ ປະທານມູນນິທິຮ່ວມໃຈພັດທະນາ ພ້ອມດ້ວຍຄະນະ ໄດ້ນຳເອົາເຂົ້າສານໜຽວ 1ໂຕນ ແລະ ນ້ຳດື່ມ237 ແພັກ ລວມມູນຄ່າ 10ລ້ານກີບມອບໃຫ້ກັບອົງການກາແດງລາວ ໂດຍການຮັບຂອງທ່ານ ຮສຈ ດຣ ພູທອນ ເມືອງປາກ ປະທານອົງການກາແດງລາວ ໂອກາດນີ້ ທ່ານປະທານອົງການກາແດງລາວໄດ້ມອບໃບສົມມະນາຄຸນ ແລະ ກ່າວສະແດງຄວາມຍ້ອງຍໍຊົມເຊີຍມາຍັງທ່ານ ພູວົງ ພະມີສິດ ປະທານມູນນິທິຮ່ວມໃຈພັດທະນາ ພ້ອມດ້ວຍຄະນະທີ່ໄດ້ລະດົມທຶນຮອນເພື່ອນຳມາປະກອບສ່ວນເພື່ອຊ່ວຍເຫຼືອພໍ່ແມ່ປະຊາຊົນຜູ້ໄດ້ຮັບຜົນກະທົບຈາກໄພນ້ຳຖ້ວມ