ອົງການກາແດງລາວ

CROIX ROUGE LAO

ມູນນິທິFireflyMisson ສືບຕໍ່ປະກອບສ່ວນຊ່ວຍເຫຼືອຜູ້ປະສົບໄພຈາກພະຍາດໂຄວິດ-19

​ໃນວັນທີ 30 ທັນວາ 2021 ນີ້ ທີ່ອົງການກາແດງລາວ ທ່ານ ເຄັດສະໂຕເຟີ ຕາງໜ້າມູນນິທິ Firefly Misson ສິງກະໂປປະຈໍາ ສປປ ລາວ ໄດ້ນຳເອົາເງິນ 190 ລ້ານກວ່າກີບມາມອບໃຫ້ອົງການກາແດງລາວ ເພື່ອນຳໄປຊ່ວຍເຫຼືອຜູ້ປະສົບໄພຈາກພະຍາດໂຄວິດ-19 ໂດຍສະເພາະຜູ້ທີ່ມາຈຳກັດບໍລິເວນຢູ່ໃນສູນ
ທີ່ອົງການກາແດງລາວຈັດຕັ້ງປະຕິບັດໂດຍເປັນກຽດກ່າວຮັບຂອງທ່ານ ຮສ.ດຣ.ພູທອນ ເມືອງປາກ ປະທານອົງການກາແດງລາວ ມີຕາງໜ້າຈາກພາກສ່ວນກ່ຽວຂ້ອງເຂົ້າຮ່ວມ.
​ຜ່ານມາມູນນິທິ Firefly Misson ໄດ້ໃຫ້ການຊ່ວຍເຫຼືອແກ່ການລະບາດຂອງພະຍາດໂຄວິດ-19 ເພື່ອຈັດຊື້ອາຫານ ໃຫ້ແຮງງານລາວທີ່ກັບມາຈາກຕ່າງປະເທດ ຢູ່ສູນຈໍາກັດບໍລິເວນຕ່າງໆຕາມຂົງເຂດເປົ້າໝາຍທີ່ໄດ້ກຳນົດໄວ້.