ອົງການກາແດງລາວ

CROIX ROUGE LAO

ລະດົມເພື່ອນຳມາຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພພິບັດຕ່າງໆ ຢູ່ ສປປ ລາວ

 

ໃນຕອນເຊົ້າຂອງວັນທີ 7 ທັນວາ 2018 ທ່ານ ແສງພະຈັນ ທຳມະວົງ ຕາງໜ້າໃຫ້ສະມາຄົມກິລາກ໊ອບ ລາວຢູ່ລັດ ອໍລີແກນ(oregon) ໄດ້ນຳເງິນຈຳນວນ 2000 ໂດລາສະຫະລັດ ມາມອບໃຫ້ກັບອົງການກາແດງລາວ ແລະ ຮັບໂດຍ ທ່ານ ທອງພະຈັນ ສອນນະສິນ ຮອງປະທານອົງການກາແດງລາວ ເງິນຈຳນວນດັ່ງກ່າວແມ່ນສະມາຄົມກ໊ອບລາວທີ່ອາໄສຢູ່ລັດ ອໍນີແກນ ປະເທດສະຫະລັດອາເມລິກາ ໄດ້ລະດົມເພື່ອນຳມາຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພພິບັດຕ່າງໆ ຢູ່ ສປປ ລາວ ໃນໂອກາດນີ້ ທ່ານ ທອງພະຈັນສອນນະສິນ ກໍໄດ້ກ່າວສະແດງຄວາມຂອບໃຈຢ່າງສູງມາຍັງທ່ານ ແສງພະຈັນ ທຳມະວົງ ທີ່ມີຄວາມເປັນຫ່ວງເປັນໄຍພໍ່ແມ່ປະຊາຊົນລາວເຮົາ ແລະ ຝາກສະແດງຄວາມຂອບອົກຂອບໃຈຢ່າງສູງໄປຍັງສະມາຄົມກ໊ອບລາວ ທີ່ອາໄສຢູ່ລັດ ອໍນີແກນ ປະເທດສະຫະລັດອາເມລິກາ ແລະ ຈະນຳເງິນຈຳນວນດັ່ງກ່າວໄປຮັບໃຊ້ເຂົ້າໃນການຊ່ວຍເຫຼືອປະຊາຊົນທີ່ໄດ້ຮັບຜົນກະທົບທາງໄພທຳມະຊາດ ແລະ ມະນຸດສ້າງຂຶ້ນ ຢູ່ ສປປລາວ.