ອົງການກາແດງລາວ

CROIX ROUGE LAO

ລາວ – ໄທ ຕີລາດ້ານການຮ່ວມືໃນການຊ່ວຍເຫຼືອປະຊາຊົນຜູ້ປະສົບໄພ

ໃນວັນທີ 22 ພຶດສະພາ 2019ນີ້ ອົງການກາແດງລາວ ແລະ ສະພາກາຊາດໄທ ໄດ້ຈັດກອງປະຊຸມທອດຖອນບົດຮຽນແລະຕີລາຄາ ດ້ານການຊ່ວຍເຫຼືອປະຊາຊົນ ທີ່ເມືອງສະໜາມໄຊ ແຂວງອັດຕະປື ທີປະສົບໄພພິບັດ ໃນປີຜ່ານມາ ທີ່ໂຮງແຮມ ລາຍທອງ ແຂວງອຸບົນລາດຊະທານີ ປະເທດໄທ ຝ່າຍລາວນຳໂດຍ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ພ້ອມດ້ວຍຄະນະ ແລະ ຝ່າຍໄທ ນຳໂດຍ ທ່ານ ເຕດ ບຸນນາດ ຜູ້ຊ່ວຍເລຂາທິການສະພາກາຊາດໄທ ພ້ອມດ້ວຍ ນາຍົກເຫຼົ່າກາຊາດອຸບົນລາດຊະທານີ, ກາຊາດທີ່ມີຊາຍແດນຕິດກັບ ສປປລາວ,ຕາງໜ້າຈາກຄະນະກຳມະການກາແດງສາກົນ,ຈາກສະຫະພັນກາແດງແລະ ຊີກວົງເດືອນແດງສາກົນ. 


ກອງປະຊຸມໄດ້ຕີລາຄາສູງ ການຮ່ວມມືຂອງສອງປະເທດທີ່ມີມາແຕ່ຍາວນາໃນຖານະບ້ານພີ່ເມືອງນ້ອງ ເວົ້າລວມ ,ເວົ້າສະເພາະແມ່ນການຮ່ວມມືທັງສອງຝ່າຍລະຫວ່າງອົງການກາແດງລາວ ແລະ ສະພາກາຊາດໄທທີ່ມີມາແລ້ວນັ້ນ ເປັນຕົ້ນສະພາກາຊາດໄທໄດ້ໃຫ້ການຊ່ວຍເຫຼືອປະຊາຊົນເມືອງສະໜາມໄຊແຂວງ ອັດຕະປື ແລະ ວຽກງານອື່ນໆ
ກອງປະຊຸມໄດ້ທົບທວນ ແລະ ຕີລາຄາຄືນໃນການຈັດຕັ້ງປະຕີບັດການຊ່ວຍໃນໄລຍະທີ່ຜ່ານມີທັງຂໍ້ສະດວກ , ຂໍ້ຫຍຸງຍາກ, ແລະຂໍ້ຄົງຄ້າງ ແລະ ວິທີແກ້ໄຂ ທິດທາງໃນຕໍ່ໜ້າ ເປັນຕົ້ນ ໄດ້ຍົກ3ຫົວຂໍ້ຂຶ້ນມາສົນທະນາກັນຄື: ຊ່ວຍເຫຼືອດ້ານການບັນເທົາທຸກ, ລະບົບສາງ – ການຂົນສົ່ງ, ການພົວພັນປະສານງານ.