ອົງການກາແດງລາວ

CROIX ROUGE LAO

ສປຈີນຊ່ວຍເຫລືອວັກຊິນ2,5ລ້ານໂດສໃຫ້ ສປປລາວ.

ໃນວັນທີ 17ພະຈິກ 2021ນີ້ ຢູ່ທີ່ສະໜາມບິນສາກົນວັດໄຕສາກົນ ນະຄອນຫຼວງວຽງຈັນ, ໄດ້ມີພິທີມອບ-ຮັບການຊ່ວຍເຫລືອ ວັກຊິນປ້ອງກັນໂຄວິດ-19 ຍີຫໍ້ ຊີໂນຟາມ (Sinopham) ທີ່ລັດຖະບານຈີນໄດ້ ໃຫ້ຊ່ວຍເຫລືອລັດຖະບານລາວ ຈໍານວນ 1,8 ລ້ານໂດສ ໃນນັ້ນສະພາກາແດງ ສປຈີນ ມອບໃຫ້ອົງການກາແດງລາວ100.000ໂດສແລະສົ່ງທັງໝົດ 2,5ລ້ານໂດສ)
ທີ່ໃຫ້ການຊ່ວຍເຫລືອ ສປປລາວ,
ໃນພິທີ ຕາງໜ້າກ່າວມອບຈາກລັດຖະບານ ສປຈີນ ແມ່ນທ່ານ ຈຽງ ຈ່າຍ ຕົງ ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສປ ຈີນ ປະຈໍາລາວ ແລະ ຕາງໜ້າກ່າວຮັບໂດຍທ່ານ ພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ ລາວ, ໂດຍມີ
ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະສຸກ, ທ່ານ ພູທອນ ເມືອງປາກ ປະທານອົງການກາແດງລາວ ແລະ ພາກສ່ວນກ່ຽວຂ້ອງເຂົ້າຮ່ວມ.
ວັກຊິນທີ່ມອບໃນເທື່ອນີ້, ມີ 1 ແສນໂດສ ອົງການກາແດງລາວມອບໃຫ້ກະຊວງສາທາລະນະສຸກ ເພື່ອນໍາໄປສັກໃຫ້ປະຊາຊົນລາວ,
ໂອກາດນີ້, ທ່ານນາຍົກລັດຖະມົນຕີ ພັນຄໍາ ວິພາວັນ ໄດ້ກ່າວຄໍາເຫັນສະແດງຄວາມຊົມເຊີຍທີ່ລັດຖະບານສປຈີນໃຫ້ການຊ່ວຍເຫລືອ ລະຫວ່າງສອງຊາດກໍຄືສອງປະເທດທີ່ມີສາຍພົວພັນມາແຕ່ດົນນານ ລັດຖະບານລາວ ຈະສືບຕໍ່ປະສານສົມທົບກັບຝ່າຍຈີນ ເພື່ອປະຕິບັດການຕົກລົງເປັນເອກະພາບ ຂອງການນໍາສູງສຸດຂອງສອງພັກ-ສອງລັດ ຂອງສອງປະເທດ, ໂດຍສະເພາະການເປັນຄູ່ຮ່ວມມືຍຸດທະສາດຮອບດ້ານ ບົນຈິດໃຈ 4 ດີ ແລະ ເປັນຄູ່ຮ່ວມຊະຕາກໍາຂອງສອງຊາດ ລາວ-ຈີນ ໃຫ້ເກີດດອກອອກຜົນ, ນໍາເອົາຜົນປະໂຫຍດຕົວຈິງ ມາສູ່ປະຊາຊົນສອງຊາດພວກເຮົາຢ່າງແທ້ຈິງ.
ມາຮອດປັດຈຸບັນ, ວັກຊິນທີ່ ສປ ຈີນ ໄດ້ຊ່ວຍເຫລືອ ສປປ ລາວ ມີທັງໝົດ 6.9 ລ້ານໂດສ. ສ່ວນວັກຊິນຈໍານວນທີ່ເຫລືອອີກ ຈໍານວນ 7 ແສນໂດສ, ຝ່າຍຈີນຈະສືບຕໍ່ສົ່ງໃຫ້ບັນດາແຂວງພາກເໜືອຂອງລາວໂດຍກົງໃນໄວໆນີ້.