ອົງການກາແດງລາວ

CROIX ROUGE LAO

ສອງກາແດງລາວຈີນຮັດແຫນ້ນສາຍພົວພັນຫລາຍດ້ານ

ໃນວັນທີ 28 ມີນາ 2019 ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ໄດ້ຕ້ອນຮັບ ທ່ານ ຫາຍຈິ່ງ ຫວັງ (Mr. Haijing Wang) ຮອງປະທານກາແດງ ສປ ຈີນ ພ້ອມດ້ວຍຄະນະ ທີ່ໄດ້ເດີນທາງມາເຮັດວຽກ ແລະ ຢ້ຽມຢາມ ສປປລາວ , ເພື່ອເປັນການເສີມຂະຫຍາຍສາຍຮັດແໜ້ນສາຍພົວພັນ, ການຮ່ວມມືໃຫ້ມີຄວາມແໜ້ນແຟ້ນຍິ່ງໆຂື້ນ.
ໃນໂອກາດດຽວກັນນີ້ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການເດີນທາງມາຢ້ຽມຢາມໃນຄັ້ງນີ້, ຕໍ່ຄະນະ ຜູ້ແທນ ສະພາກາແດງ ສປຈີນ ເຊິ່ງເປັນ ຂີດໝາຍສາຍເສີມສ້າງພົວພັນທີ່ມີມາແຕ່ຍາວນານ ລະຫວ່າງສອງພັກສອງລັດສອງປະເທດເວົ້າລວມ,ເວົ້າສະເພາະກໍ່ສອງກາແດງຄື: ອົງການກາແດງລາວ ແລະ ສະພາກາແດງສປປຈີນ, ໃນໄລຍະຜ່ານມາ ສະພາກາແດງສປຈີນ ໄດ້ໃຫ້ການຊ່ວຍວຽກງານກູ້ໄພກາແດງ ໃຫ້ ,ການ ເຝິກອົບຮົມຍົກລະດັບໃຫ້ອາສາສະໝັກ ແລະ ສະໜັບສະໜູນງົບປະມານ ເພື່ອຈັດຕັ້ງປະຕິບັດໂຄງການຫຼຸດຜ່ອນຄວາມສ່ຽງໄພພິບັດ ເຊິ່ງໄດ້ຈັດຕັ້ງປະຕິບັດຢູ່ 03 ແຂວງ ຄື: ແຂວງ ວຽງຈັນ ກວມເອົາ 05 ເມືອງ (ເມືອງຊະນະຄາມ, ແກ້ວອຸດົມ, ໂພນໂຮງ, ເມືອງໝື່ນ ແລະ ເມືອງເຟືອງ), ແຂວງ ນະຄອນຫຼວງວຽງຈັນ ແລະ ຫຼວງພະບາງ ຜ່ານການຈັດຕັ້ງປະຕິບັດໂຄງການ ມີປະຊາຊົນໄດ້ຮັບຜົນປະໂຫຍດທັງໝົດ 72.503 ຄົນ.
ທ່ານ ທ່ານ ຫາຍຈິ່ງ ຫວັງ (Mr. Haijing Wang) ຮອງປະທານກາແດງ ສປ ຈີນ ໄດ້ສະແດງຄວາມດີອົກ ດີໃຈ ທີ່ໃຫ້ການຕ້ອນຮັບຢ່າງອົບອຸ່ນ ຕໍ່ການມາຢ້ຽມໃນຄັ້ງນີ້ ແລະ ທ່ານກໍໄດ້ແຈ້ງໃຫ້ຊາບຈຸດປະສົງມາຢ້ຽມຢາມໃນຄັ້ງນີ້ ເພາະ ເປັນຂີດໝາຍອັ່ນສຳຄັນໃນການເສີມສ້າງສາຍພົວພັນ ແລະ ການຮ່ວມມືໃນປະຈຸບັນ ແລະ ອະນາຄົດ. ນອກຈາກນັ້ນ, ກໍ່ໄດ້ລົງນາມ ເຊັນບົດບັນທຶກຄວາມເຂົ້າໃຈ ເພື່ອເປັນກອບ ການຮ່ວມມືໃນອະນາຄົດ ແລະ ໃນໂອກາດດຽວກັນນີ້ ທາງສະພາກາແດງ ສປ ຈີນ ກໍ່ໄດ້ມອບເງິນໃຫ້ແກ່ອົງການກາແດງລາວ ເພື່ອສືບຕໍ່ຊ່ວຍເຫຼືອປະຊາຊົນຜູ້ປະສົບໄພພິບັດ ຈຳນວນ 100.000 ໂດຣາ