ອົງການກາແດງລາວ

CROIX ROUGE LAO

ສະຖານທູດສະຫະລັດອາເມຣິກາ ປະຈຳ ສປປ ລາວ ແລະ ບໍລິສັດເຈແພກ ປະກອບສ່ວນໃນວຽກງານກາແດງ.

ໃນວັນທີ 12 ພະຈິກ 2021 ທີ່ອົງການກາແດງລາວ ໄດ້ມີພິທີມອບຮັບເງິນ ແລະ ຜ້າອັດດັງ-ປາກ ແລະ ເຈວລ້າງມື ເພື່ອປະກອບສ່ວນເຂົ້າໃນການຈັດຕັ້ງປະຕິບັດວຽກງານຂອງອົງການກາແດງລາວ ໃນວຽກງານຕ້ານພະຍາດໂຄວິດ-19 ຈາກສະຖານທູດ ສະຫະລັດອາເມຣິກາ ປະຈຳ ສປປ ລາວ ມອບເງິນຈຳນວນ 11.100.000 ກີບ, ບໍລິສັດເຈແພກ ອະສັງຫາລິມະຊັບຈຳກັດ ມອບຜ້າອັດປາກ-ດັງ ຈຳນວນ 150 ກ່ອງ ແລະ ເຈວລ້າງມື 100 ກ່ອງ ລວມມູນຄ່າ 5.050.000 ກີບ, ກ່າວມອບໂດຍ ທ່ານ ທ່ານ ປີເຕີ ເຮມ໋ອນ (Dr. Peter M. Haymond)ເອກອັກຄະລັດຖະທູດ ສະຫະລັດອາເມຣິກາ ປະຈຳ ສປປ ລາວ, ຕາງໜ້າບໍລິສັດເຈແພກ ອະສັງຫາລິມະຊັບຈຳກັດ ທ່ານ ພູຮຸ່ງ ຄຳຕັນລອງໄຊ ຫົວໜ້າການຕະຫຼາດ ແລະ ໃຫ້ກຽດກ່າວຮັບໂດຍ ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ; ມີພະນັກງານທີ່ກ່ຽວຂ້ອງ ເຂົ້າຮ່ວມເປັນສັກຂີພະຍານ.
ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ ໄດ້ກ່າວສະແດງຄວາມຂອບໃຈຕໍ່ຄະນະ ກໍ່ຄື ທ່ານເອກອັກຄະລັດຖະທູດ ສະຫະລັດອາເມຣິກາ ປະຈຳ ສປປ ລາວ ແລະ ບໍລິສັດເຈແພກ ອະສັງຫາລິມະຊັບຈຳກັດ ທີ່ໄດ້ນຳເອົາເຄື່ອງຊ່ວຍເຫລືອໃນວຽກງານຕ້ານພະຍາດໂຄວິດ-19 ມາມອບໃຫ້ໃນຄັ້ງນີ້, ເຊິ່ງເຄື່ອງຈຳນວນດັ່ງກ່າວ ແມ່ນຈະໄດ້ນຳໄປຊ່ວຍເຫລືອຜູ້ປະສົບໄພໂຄວິດ-19 ຢູ່ສູນຈໍາກັດບໍລິເວນ ແລະ ໂຮງໝໍສະໜາມ ທີ່ອົງການກາແດງລາວຮັບຜິດຊອບຢູ່, ເຊິ່ງມີຄວາມຕ້ອງການເຄື່ອງຈຳນວນດັ່ງກ່າວນີ້ເປັນຈຳນວນຫຼາຍ ເພາະວ່າໃນປັດຈຸບັນ ອີງຕາມສະຖານະການໂຄວິດ-19 ທີ່ພວມລະບາດຢູ່ ສປປປລາວ ແມ່ນມີລັກສະນະເພີ່ມຂຶ້ນໃນແຕ່ລະມື້ ແລະ ມີຄວາມຕ້ອງການໃນການນຳໃຊ້ເງິນ ແລະ ເຄື່ອງປ້ອງກັນດັ່ງກ່າວ ເຂົ້າຮັບໃຊ້ໃນວຽກງານຕ້ານ ແລະ ສະກັດກັ້ນເຊື້ອພະຍາດດັ່ງກ່າວນີ້.อาจเป็นรูปภาพของ 7 คน และ ผู้คนกำลังยืนอาจเป็นรูปภาพของ 6 คน และ ผู้คนกำลังยืนอาจเป็นรูปภาพของ 2 คน, ผู้คนกำลังยืน และ ผู้คนกำลังนั่งอาจเป็นรูปภาพของ 3 คน และ ผู้คนกำลังยืนอาจเป็นรูปภาพของ 6 คน และ ผู้คนกำลังยืนอาจเป็นรูปภาพของ 2 คนอาจเป็นรูปภาพของ 6 คน และ ผู้คนกำลังยืนอาจเป็นรูปภาพของ 6 คน และ ผู้คนกำลังยืน