ອົງການກາແດງລາວ

CROIX ROUGE LAO

ສະຖານທູດສິງກະໂປປະກອບສ່ວນອຸປະກອນຕ້ານການແຜ່ລະບາດພະຍາດໂຄວິດ-19

ສະຖານທູດສິງກະໂປປະກອບສ່ວນອຸປະກອນຕ້ານການແຜ່ລະບາດພະຍາດໂຄວິດ-19 ໃຫ້ແກ່ອົງການກາແດງລາວ.
ໃນວັນທີ 31 ສິງຫາ 2021 ທີ່ອົງການກາແດງລາວ ໄດ້ມີພິທີມອບຮັບເຄື່ອງ ອຸປະກອນຕ້ານການແຜ່ລະບາດພະຍາດໂຄວິດ-19 ຈາກສະຖານທູດສິງກະໂປ ປະຈຳ ສປປ ລາວ ເຊິ່ງປະກອບມີ: 500 ຖົງ, ໃນ 1 ຖົງ ມີ: ເຫຼົ້າ 70, ຜ້າປິດປາກ-ດັງ, ຜ້າອະນາໄມ, ຜ້າປຽກທີ່ຊຸ່ມດ້ວຍທາດເຫຼົ້າ, ສະບູ ແລະ ເຄື່ອງສຸຂະອະນາໄມຈຳນວນໜຶ່ງ ເພື່ອນຳໄປມອບໃຫ້ສູນຈຳກັດບໍລິເວນ ແຂວງສະຫວັນນະເຂດ 250 ຖົງ ແລະ ແຂວງ ຈໍາປາສັກ 250 ຖົງ, ລວມມູນຄ່າ 42,200,000ກີບ, ແມ່ນໄດ້ຈາກການລະດົມຈາກພະນັກງານໃນສະຖານທູດສິງກະໂປ ; ກ່າວມອບໂດຍ ທ່ານ ນາງ ຫຼຽວ ຊຸຍ ຫຼິນ (Leow Siu Lin), ເອກອັກຄະລັດຖະທູດ ສິງກະໂປ ປະຈຳ ສປປ ລາວ, ກ່າວຮັບໂດຍ ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ; ມີພະນັກງານທີ່ກ່ຽວຂ້ອງຂ້ອງເຂົ້າຮ່ວມ.
ໃນພິທີທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ ໄດ້ສະແດງຄວາມຂອບໃຈຕໍ່ຄະນະ ກໍ່ຄື ທ່ານເອກອັກຄະລັດຖະທູດ ສິງກະໂປ ປະຈຳ ສປປ ລາວ ທີ່ໄດ້ນຳເອົາເຄື່ອງຊ່ວຍເຫລືອໃນວຽກງານຕ້ານພະຍາດໂຄວິດ-19 ມາມອບໃຫ້ໃນຄັ້ງນີ້, ເຊິ່ງເຄື່ອງຈຳນວນດັ່ງກ່າວ ແມ່ນຈະໄດ້ນຳໄປຊ່ວຍເຫລືອຜູ້ປະສົບໄພໂຄວິດ-19 ຢູ່ສູນຈໍາກັດບໍລິເວນ ຢູ່ແຂວງສະຫວັນນະເຂດ ແລະ ຈໍາປາສັກ, ເຊິ່ງມີຄວາມຕ້ອງການເຄື່ອງຈຳນວນດັ່ງກ່າວນີ້ເປັນຈຳນວນຫຼາຍ ເພາະວ່າໃນປັດຈຸບັນ ຢູ່ພາຍໃນສອງແຂວງດັ່ງກ່າວແມ່ນມີແຮງງານລາວ ທີ່ເດີນທາງເຂົ້າມາຈາກປະເທດເພື່ອນບ້ານ ແລະ ເຂົ້າຈຳກັດບໍລິເວນຢູ່ພາຍໃນສູນທັງສອງແຂວງນີ້ເປັນຈຳນວນຫຼວງຫຼາຍ ເຊິ່ງເຮັດໃຫ້ມີຄວາມຈຳເປັນໃນການຕ້ອງການເຄື່ອງຊ່ວຍເຫຼືອຕ້ານພະຍາດໂຄວິດ-19 ນີ້ ເພື່ອໃຫ້ມີຄວາມປອດໄພທັງແຮງງານ ແລະ ພະນັກງານທີ່ປະຈຳຢູ່ພາກສະໜາມ.
อาจเป็นรูปภาพของ 2 คน และผู้คนกำลังยืนไม่มีคำอธิบายรูปภาพอาจเป็นรูปภาพของ 1 คน และกำลังยืนอาจเป็นรูปภาพของ 1 คน และกำลังยืน