ອົງການກາແດງລາວ

CROIX ROUGE LAO

ສະພາກາຊາດໄທຊ່ວຍເຫຼືອເຄື່ອງແລະ ເຮືອກູ້ໄພໃຫ້ ອົງການກາແດງລາວ ວັນທີ 5 ມີນາ 2019

ທີ່ອົງການກາແດງລາວນະຄອນຫລວງວຽງຈັນໄດ້ຈັດພິທີມອບຮັບເຄື່ອງຊ່ວຍເຫລືອຂື້ນ
ໂດຍປະຕິບັດຕາມການກອບການຮ່ວມມືລະຫວ່າງອົງການກາແດງລາວ ແລະ ສະພາກາຊາດໄທ ໄລຍະປີ2019ຫາປີ2022ທີ່ໄດ້ເຊັນ ທັງເປັນການກະກຽມຄວາມພ້ອມໃນການຮັບມືກັບໄພພິບັດ ແລະ ໃຫ້ການຊ່ວຍເຫຼືອປະຊາຊົນຜູ້ທຸກຍາກຂາດເຂີນ, ຜູ້ປະສົບໄພພິບັດ ຢູ່ ສປປ ລາວ, ສະພາກາຊາດແລະຜ່ານມາສະພາກາຊາດໄທໄດ້ໃຫ້ການຊ່ວຍເຫລືອປະຊາຊົນຕໍ່ເນື່ອງຫລວງຫລາຍເປັນຕົ້ນແມ່ນນຳ້ຖ້ວມປະຊາຊົນເມືອງສະຫນາມໄຊເປັນວັດຖຸສິ່ງຂອງເກືອບ10ລ້ານບາດແລະການຊ່ວຍເຫລືອຄັ້ງນີ້ກໍ່ເປັນຄັ້ງສຳຄັນເຊິ່ງປະມີເຄື່ອງ: ອຸປະກອນ ເພື່ອກຽມພ້ອມຮັບມືກັບໄພພິບັດ ແລະ ເຄື່ອງຊ່ວຍເຫຼືອບັນເທົາທຸກຈຳນວນໜຶ່ງ ໃຫ້ແກ່ອົງການກາແດງລາວ ເຊິ່ງປະກອບມີ ເຮືອກູ້ໄພ ພ້ອມດ້ວຍເຄື່ອງຈັກ 3 ຊຸດ 42,120 ໂດລາ , ຄອມພິວເຕີ 55 ຊຸດ ມູນຄ່າ 16,000 ໂດລາ, ເຄື່ອງນຸ່ງຫົ່ມໃໝ່ ຈຳນວນ 5,868 ຜືນ ແລະ ຢາຖຸແຂ້ວ 21 ແກັດ ມູນຄ່າ 45,252 ໂດລາ, ລວມມູນຄ່າທັງໝົດ 103,372 ໂດລາ.
ກ່າວມອບໂດຍ ທ່ານ ພົນໂທ ດຣ ອຳນາດ ບາຫຼີ, ຜູ້ອຳນວຍການ ສຳນັກງານ່ ບັນເທົາທຸກ, ສະພາກາຊາດໄທ, ກ່າວຮັບໂດຍ ທ່ານ ດຣ ກາວີ ພອນ ສຸດທິ ຫົວໜ້າກອງຊ່ວຍເຫຼືອບັນເທົາທຸກ ອົງການກແດງລາວ ໂດຍເປັນການເຂົ້າຮ່ວມເປັນສັກຂີພິຍານຂອງ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ພ້ອມດ້ວຍຄະນະທັງສອງຝ່າຍ.