ອົງການກາແດງລາວ

CROIX ROUGE LAO

ສະພາແຫ່ງຊາດມອບລົດຊ່ວຍເຫລືອສຸກເສີນໃຫ້ອົງການກາແດງລາວ

ໃນວັນທີ 22 ມີນາ 2022 ທີ່ສະພາແຫ່ງຊາດ, ນະຄອນຫລວງວຽງຈັນ ໄດ້ມີພິທີມອບລົດ ລົດສຸກເສີນຈຳນວນ ຈຳນວນ 10 ຄັນ ລວມມູນຄ່າ 375,000 ໂດລາສະຫະລັດ, ໂດຍເປັນກຽດເຂົ້າຮ່ວມຂອງທ່ານ ອິມ ມູຮົງ IM MOOHONG ເອກອັກຄະລັດຖະທູດ ແຫ່ງ ສ.ເກົາຫລີ ພ້ອມດ້ວຍຄະນະມູນລະນິທິອາສາຄົນທີ່ງົດງາມ (ASA) ສ.ເກົາຫລີ, ນອກຈາກນັ້ນ, ຍັງໄດ້ເຂົ້າຢ້ຽມຂ່ຳນັບທ່ານ ຄຳໃບ ດຳລັດ ຮອງປະທານສະພາແຫ່ງຊາດ ເພື່ອລາຍງານຈຸດປະສົງທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປລາວ; ເພື່ອເພີ້ມທີວີສາຍພົວພັນ ແລະ ການພັດທະນາຊ່ວຍເຫລືອສປປລາວ. ຈາກນັ້ນ, ທ່ານ ຄຳໃບ ດຳລັດ ກໍໄດ້ກ່າວສະແດງຕ້ອນຮັບຢ່າງອົບອຸ່ນ ພ້ອມສະແດງຄວາມຂອບໃຈຕໍ່ການຊ່ວຍເຫລືອໃນຄັ້ງນີ້ລົດຈຳນວນດັ່ງກ່າວຈະໄດ້ມອບຕໍ່ໃຫ້ແຂວງວຽງຈັນ, ແຂວງສາລະວັນ ແລະ ອົງການກາແດງລາວຈຳນວນ 04 ຄັນ.
ຈາກນັ້ນ, ກໍໄດ້ມີພິທີເຊັນມອບ-ຮັບ ເຊິ່ງຕາງໜ້າຝ່າຍມູນລະນິທິອາສາຄົນທີ່ງົດງາມ (ASA) ສ.ເກົາຫລີ ໂດຍ ທ່ານ ຈອງ ຊັງຈິນ(Jeong Sung Jin) ປະທານມູນລະນິທິດັ່ງກ່າວ ແລະ ຕາງໜ້າຝ່າຍສະພາແຫ່ງຊາດລາວໂດຍທ່ານ ປອ. ບຸນທັນ ບຸນວິໄລ ຮອງເລຂາທິການສະພາແຫ່ງຊາດ ເຂົ້າຮ່ວມເປັນສັກຂີພິຍານ ມີທ່ານເອກອັກຄະລັດຖະທູດ ແຫ່ງ ສ. ເກົາຫລີ ແລະ ຄະນະຈາກທັງສອງຝ່າຍ; ເພື່ອເປັນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ເກົາຫລີ.