ອົງການກາແດງລາວ

CROIX ROUGE LAO

ສະຫະພັນກາແດງຊ່ວຍເຫລືອພາຫານະໃຫ້ແກ່ອົງການກາແດງລາວ

ໃນວັນທີ 14 ມີນາ 2019 ທີ່ຫ້ອງການອົງການກາແດ ງແຂວງ ອັດຕະປື ໄດ້ມີສະຫະພັນກາແດງແລະຊີກວົງເດືອນແດງສາກົນ ໄດ້ມອບລົດພິທີມອບລົດ ໂຕໂຍຕາແລນຄຸຍເຊີ (Toyota Landcruiser) ໃຫ້ກັບອົງການກາແດງລາວ ເພື່ອເຄື່ອນໄຫວຮັບໃຊ້ປະຊາຊົນທີ່ປະສົບໄພນຳ້ຖ້ວມເມືອງສະຫນາມໄຊແຂວງອັດຕະປືປະຈຳພາກສະຫນາມ, ກ່າວມອບໂດຍ ທ່ານ ມີຈານູ ຮາມັນ ຜູ້ຕາງໜ້າຈາກສະຫະພັນກາແດງ ແລະ ຊີກວົງເດືອນແດງສາກົນ ທັງເປັນຜູ້ບໍລິຫານໂຄງການຊ່ວຍເຫຼືອໄພພິບັດທີ່ອັດຕະປື ກ່າວຮັບໂດຍທ່ານ ກາວີພອນ ສຸດທິ ຫົວໜ້າກອງຊ່ວຍເຫຼືອບັນເທົາທຸກອົງການກາແດງລາວ, ໂດຍຊ້ອງໜ້າ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ພ້ອມດ້ວຍ ບັນດາພະນັກງານພາຍໃນກາແດງກາແດງອັດຕະປື. ເພື່ອອຳນວຍຄວາມສະດວກໃນການປະຕິບັດໜ້າທີ່ ວຽກງານ,ລວມມູນຄ່າ 5,268,272 ເຍນ (ສະກຸນເງິນຍີ່ປຸ່ນ)ຈາກນັ້ນ, ທ່ານ ຄຳຮຸ່ງ ເຮືອງວົງສີ ກໍ່ໄດ້ສະແດງຄວາມຂອບໃຈຕໍ່ ສະຫະພັນກາແດງ ແລະ ຊີກວົງເດືອນແດງສາກົນ ທີ່ມີນ້ຳໃຈ ໃຫ້ການຊ່ວຍເຫຼືອສັງຄົມ ແລະ ຈະນຳໃຊ້ລົດຈຳນວນດັ່ງກ່າວໃຫ້ເກີດຜົນປະໂຫຍດທີ່ສຸດໃຫ້ແກ່ປະຊາຊົນ.