ອົງການກາແດງລາວ

CROIX ROUGE LAO

#ສະເຫຼີມສະຫຼອງວັນປະຖົມພະຍາບານໂລກ

ໃນວັນທີ 10 ກັນຍາ 2021 ອົງການກາແດງລາວໄດ້ມີພິທີສະເຫຼີມສະຫຼອງວັນປະຖົມພະຍາບານໂລກປະຈຳປີ 2021 ຂຶ້ນ, ໂດຍການເຂົ້າຮ່ວມຂອງທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ, ມີບັນດາແຂກທີ່ຖືກເຊີນ, ພ້ອມດ້ວຍພະນັກງານ ແລະ ອາສາສະໝັກອົງການກາແດງເຂົ້າຮ່ວມໂດຍໄດ້ເນັ້ນ ໄລຍະຫ່າງເພື່ອປ້ອງກັນເຊື້ອພະຍາດໂຄວິດ-19.
ໃນພິທີດັ່ງກ່າວ, ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ ກໍ່ໄດ້ກ່າວໃຫ້ເຫັນບົດບາດຄວາມສຳຄັນຂອງວຽກງານປະຖົມພະຍາບານ ໄດ້ຕິດພັນກັບການກຳເນີດເກີດຂຶ້ນ ຂອງອົງການກາແດງສາກົນ ເປັນເວລາ 160 ກວ່າປີມາແລ້ວ ໂດຍຜ່ານເຫດການເດືອນມິຖຸນາ ປີ 1859 ທີ່ທ່ານ ອັງຣີ ດຸຍນັງ ນັກທຸລະກິດຊາວສະວິສ ທີ່ທ່ານໄດ້ພົບກັບຄວາມໂຫດຮ້າຍຂອງສົງຄາມ, ຄວາມທຸກທໍລະມານມີການຕາຍຂອງທະຫານທັງສອງຝ່າຍ ລະຫວ່າງ ຝຮັ່ງ ແລະ ອີຕາລີ ທີ່ສະໜາມຮົບ ເມືອງ ໂຊນເຟີຣີໂນ ຢູ່ທາງພາກເໜືອຂອງປະເທດ ອີຕາລີ, ເພິ່ນໄດ້ຮຽກຮ້ອງໃຫ້ມີວຽກງານມະນຸດສະທຳ ເພື່ອຊ່ວຍເຫຼືອຜູ້ເຄາະຮ້າຍ ແລະ ທະຫານທີ່ໄດ້ຮັບບາດເຈັບ ເພື່ອໃຫ້ມີຊີວິລອດຄືນມາ, ການກະທຳດັ່ງກ່າວ ແມ່ນໄດ້ສືບທອດປະຕິບັດກັນມາຈົນເຖິງປັດຈຸບັນເຊິ່ງເອີ້ນວ່າ: ການປະຖົມພະຍາບານ.
ໃນຄວາມເປັນຈິງການດຳລົງຊີວິດຂອງຄົນເຮົາໃນແຕ່ລະມື້ແລະການປະຖົມພະຍາບານທີ່ພົບພໍ້ ໃນສະຖານທີ່ຕ່າງໆ, ເປັນຕົ້ນແມ່ນ ອຸປະຕິເຫດຕາມທາງຖະໜົນ, ແຂນ-ຂາຫັກ, ໄຟໄໝ້, ແລະ ອື່ນໆ, ດ້ວຍວິທີການປະຖົມພະຍາບານທີ່ຖືກຕ້ອງ ຈົນກວ່າຈະນຳສົ່ງເຖິງແພດໝໍ. ການປະຖົມພະຍາບານ ບໍ່ໝາຍຄວາມວ່າຈະຊ່ວຍແກ້ໄຂຜົນກະທົບທາງດ້ານຮ່າງກາຍເທົ່ານັ້ນ ແຕ່ຍັງລວມເຖິງທາງດ້ານຈິດໃຈ ,
ວັນປະຖົມພະຍາບານໂລກ ໄດ້ຖືກກຳນົດຈາກສະຫະພັນກາແດງ ແລະ ຊີກວົງເດືອນແດງສາກົນ(IFRC) ເລີ່ມຕັ້ງແຕ່ ປີ 2000 ເປັນຕົ້ນມາ ໂດຍຖືເອົາວັນເສົາຂອງອາທິດທີ 2 ຂອງເດືອນກັນຍາ ຂອງທຸກໆປີ, ຊຶ່ງປີນີ້ ແມ່ນກົງກັບວັນທີ 11 ກັນຍາ 2021, ບັນດາປະເທດສະມາຊິກກາແດງ 192 ປະເທດໃນທົ່ວໂລກໄດ້ຈັດຕັ້ງການສະເຫຼີມສະຫຼອງດ້ວຍການສາທິດ ການເຜີຍແຜ່ວິທີການປະຖົມພະຍາບານໃຫ້ແກ່ຊຸມຊົນ ກໍ່ຄືສະຖານທີ່ການຮຽນ, ການສອນ, ໂຮງຈັກ, ໂຮງງານ ແລະ ສະຖານທີ່ຕ່າງໆ, ແຕ່ຍ້ອນສະພາບການແຜ່ລະບາດຂອງພະຍາດໂຄວິດ-19 ຈຶ່ງໄດ້ຈັດການສະເຫຼີມສະຫຼອງແບບກະທັດຮັດ,ໂດຍພາຍໃຕ້ຄຳຂວັນ: **ຈົ່ງເປັນຜູ້ປະຖົມພະຍາບານທີ່ເກັ່ງໃນໂຮງຮຽນ ແລະ ຊຸມຊົນຂອງທ່ານ**(Be a Frirst Aid Hero at The school and in Your community).
ການປະຖົມພະຍານບານ ແມ່ນໜຶ່ງໃນ 9 ວຽກງານຕົ້ນຕໍ ຂອງອົງການກາແດງລາວ ເປັນວຽກງານມະນຸດສະທຳທີ່ອົງການກາແດງລາວໄດ້ຈັດຕັ້ງປະຕິບັດຜ່ານມາ, ເລີ່ມແຕ່ປີ 1977 ໄດ້ມີການຮ່ວມມືກັບອົງການກາແດງສາກົນ ສ້າງເອກະສານຄູ່ມືປະຖົມພະຍາບານ, ຄູ່ມືການຝຶກອົບຮົມການປະຖົມພະຍາບານຂັ້ນພື້ນຖານ, ໄດ້ສ້າງຄູຝຶກຂັ້ນແຂວງ ກວມເອົາທຸກແຂວງ ໃນທົ່ວປະເທດ, ມາຮອດປັດຈຸບັນ ໄດ້ຈັດຕັ້ງການຝຶກອົບຮົມ ໃຫ້ອາສາສະໝັກຊາວໜຸ່ມ, ຄູ-ອາຈານ, ນັກຮຽນ, ນັກສຶກສາ ແລະ ສະຖາບັນຕ່າງໆ ໃນທົ່ວປະເທດ ໄດ້ 431 ຄົນ, ຍິງ 239 ຄົນ ແລະ ຍັງຈະໄດ້ມີການຝຶກອົບຮົມໃຫ້ໄດ້ຫຼາຍກວ່າເກົ່າ ທັງມີຄຸນນະພາບ ປະສິດທິພາບ ໃຫ້ກ້ວາງຂວາງອອກໄປເລື້ອຍໆ.
ໃນຕອນທ້າຍ ທ່ານປະທານອົງການກາແດງລາວ ຍັງໄດ້ຮຽກຮ້ອງມາຍັງບັນດາແຂກທີ່ເຂົ້າຮ່ວມ ພ້ອມດ້ວຍ ສື່ມວນຊົນ ທຸກພາກສ່ວນ ຂໍໃຫ້ເຜີຍແຜ່ຂໍ້ມູນຂ່າວສານຄວາມໝາຍຄວາມສຳຄັນ, ຄວາມຈຳເປັນຂອງການຝຶກອົບຮົມປະຖົມພະຍາບານ ໃຫ້ແກ່ໂຮງຮຽນ ແລະ ຊຸມຊົນຕ່າງໆ ເພື່ອສ້າງໃຫ້ມີຄົນດີຄົນເກັ່ງ ດ້ານການປະຖົມພະຍາບານ ເພື່ອກຽມພ້ອມໃຫ້ການຊ່ວຍເຫຼືອໄດ້ທັນທີ ແລະ ມີປະສິດທິພາບໃນກໍລະນີເກີດເຫດການສຸກເສີນ, ທ່ານຍັງໄດ້ຮຽກຮ້ອງໃຫ້ທຸກພາກສ່ວນໃນສັງຄົມ ຈົ່ງໃຫ້ຄວາມສຳຄັນ ສະໜັບສະໜູນ ສົ່ງເສີມການຮຽນຮູ້ ປຸກລະດົມຂົນຂວາຍການປະກອບສ່ວນຂອງພະນັກງານ, ລັດຖະກອນ ແລະ ມວນຊົນສາຂາອາຊີບຕ່າງໆ ເຂົ້າຮ່ວມຝຶກອົບຮົມປະຖົມພະຍາບານຢູ່ພາກສ່ວນຂອງຕົນ ໃຫ້ກາຍເປັນຄວາມຊິນເຄີຍ ເພື່ອມີທັກສະຊ່ວຍເຫຼືອຕົນເອງ ແລະ ຜູ້ອື່ນໃນສະຖານະການສຸກເສີນ.อาจเป็นรูปภาพของ 11 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ 6 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ 1 คน, กำลังยืน และสถานที่ในร่มอาจเป็นรูปภาพของ เด็ก, กำลังนั่ง และสถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังยืน และสถานที่ในร่มอาจเป็นรูปภาพของ 2 คน, ผู้คนกำลังยืน และสถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังยืน, ผู้คนกำลังนั่ง และสถานที่ในร่มอาจเป็นรูปภาพของ 5 คน, ผู้คนกำลังยืน และสถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ 4 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ 6 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ 3 คน, ผู้คนกำลังนั่ง, ผู้คนกำลังยืน และสถานที่ในร่ม