ອົງການກາແດງລາວ

CROIX ROUGE LAO

ຫລາຍພາກສ່ວນສືບຕໍ່ໃຫ້ການຊ່ວຍເຫລືອຜູ້ປະສົບໄພການແຜ່ລະບາດພະຍາດໂຄວິດ-19.

ໃນວັນທີ 22 ຕຸລາ 2021. ທີ່ອົງການກາແດງລາວ ໄດ້ມີພິທີມອບຮັບ​ເງິນ ແລະ ເຄື່ອງຊ່ວຍເຫລືອ​ຜູ້ປະສົບໄພຕໍ່ການແຜ່ລະບາດພະ​ຍາດ​ໂຄວິດ-19 , ມີບັນດາບໍລິສັດທີ່ໃຫ້ການປະກອບສ່ວນຊ່ວຍເຫລືອຜູ້ປະສົບໄພການແຜ່ລະບາດພະຍາດໂຄວິດ-19 ໄດ້ແກ່ບໍລິສັດ ອີທີແອລ ຈຳກັດ ໄດ້ສະຫນັບສະຫນູນ ບໍລິການທາງດ້ານອິນເຕີເນັດ(FTTH) ພາຍໃນ 1ປີ ແລະ ນຳ້ເບີໂທລະສັບ 128 ຊິມ ທີ່ພ້ອມບໍລິການນຳໃຊ້ເທິງມືຖືພາຍໃນ 6 ເດືອນ ລວມມູນຄ່າ: 73,110,000 ກີບ.ຕາງຫນ້າກ່າວມອບໂດຍທ່ານ ວັດທະນາ ວົງເທວັນ ຮອງຜູ້ອຳນວຍການໃຫຍ່ ດ້ານບຸກຄະລາກອນ ເພື່ອໃຫ້ອົງການແດງລາວຈັດສົ່ງໃຫ້ພະນັກງານ ແລະ ອາສາສະຫມັກຂອງອົງການກາແດງລາວ ທີ່ພວມປະຕິບັດຫນ້າທີ່ໃນການສະກັດກັ້ນເຊື້ອພະຍາດໂຄວິດ-19, ນອກຈາກນັ້ນ, ໃນມື້ດຽວກັນນີ້ ທ່ານ ຍາປ້າກຸຫລາບ ສຸທຳມະວົງ ພ້ອມດ້ວຍລູກຫລານຍັງໄດ້ປະກອບສ່ວນ ຊ່ວຍເຫລືອເງິນຈຳນວນ 30.000.000 ກີບ ເພື່ອເປັນການປະກອບສ່ວນຊ່ວຍເຫລືອບັນເທົາທຸກໃຫ້ແກ່ປະຊາຊົນທີ່ໄດ້ຮັບຜົນກະທົບຈາກເຊື້ອພະຍາດໂຄວິດ-19, ໂດຍເປັນຄ່າອາຫານ, ນຳ້ດື່ມ ແລະ ເຄື່ອງສຸຂະອານະໄມ ໃຫ້ແກ່ຜູ້ທີ່ກຳລັງປິ່ນປົວຢູ່ພາຍໃນໂຮງຫມໍພາກສະຫນາມ ແລະ ຜູ້ທີ່ເຂົ້າຈຳກັດບໍລິເວນຢູ່ຕາມສູນຕ່າງໆ ທີ່ອົງການກາແດງລາວຮັບຜິດຊອບ, ເຊິ່ງໃຫ້ກຽດກ່າວຮັບໂດຍ ທ່ານ ຮສ.ດຮ ພູທອນ ເມືອງປາກ ປະທານອົງການກາແດງລາວ.
ໃນໂອກາດດັ່ງກ່າວນີ້,ທ່ານປະທານອົງການກາແດງລາວຍັງໄດ້ມອບໃບສົມມະນາຄຸນ ພ້ອມທັງກ່າວສະແດງຄວາມຂອບໃຈຕໍ່​ທາງ 2 ພາກ​ສ່ວນທີ່ໄດ້ປະ​ກອບ​ສ່ວນ​ວັດ​ຖຸ​ປັດ​ໃຈຊ່ວຍເຫລືອ​ໃນ​ວຽກ​ງານ​ຕ້ານ​ພະ​ຍາດ​ໂຄວິດ-19, ເຊິ່ງສະແດງໃຫ້ເຫັນເຖິງຄວາມເປັນຫ່ວງເປັນໃຍ ທີ່ມີຕໍ່ທຸກພາກສ່ວນໃນສັງຄົມ,ໂດຍສະເພາະພະນັກງານ ແລະ ອາສາສະຫມັກ ທີ່ກຳລັງຈັດຕັ້ງປະຕິບັດ-ຄວບຄຸມການລະບາດຂອງເຊື້ອພະຍາດໂຄວິດ-19 ຢ່າງຂຸ້ນຂ້ຽວຢູ່ພາຍໃນທົ່ວປະເທດ, ໂດຍສະເພາະ ນະຄອນຫລວງວຽງຈັນ ທີ່ກຳລັງປະເຊີນຫນ້າກັບການແຜ່ລະບາດຂອງເຊື້ອພະຍາດຢູ່ໃນຊຸມຊົນເປັນຕົ້ນແມ່ນບັນດາໂຮງຈັກ,ໂຮງງານ,ຕະຫລາດ ທີ່ມີການລາຍງານຜູ້ຕິດເຊື້ອເພີ່ມຂຶ້ນໃນແຕ່ລະມື້, ທາງອົງກາແດງລາວກໍ່ໄດ້ເອົາໃຈໃສ່ໃນການປະຕິບັດຫນ້າທີ່ໃນວຽກງານ ໂຄສະນາເຜີຍແຜ່ມາດຕະການປ້ອງກັນການຕິດເຊື້ອ, ແຜ່ເຊື້ອ,ພົ່ນຢາຂ້າເຊື້ອຢູ່ໃນຊຸມຊົນ , ໂຮງຫມໍພາກສະຫນາມ ແລະ ສູນຈຳກັດບໍລິເວນ, ພ້ອມທັງແຈກຢາຍອາຫານຢູ່ສູນຈຳກັດບໍລິເວນ ແລະ ໂຮງໝໍພາກສະໜາມບາງແຫ່ງ ທີ່ມີການຊ່ວຍເຫຼືອຈາກກາແດງ.อาจเป็นรูปภาพของ หนึ่งคนขึ้นไป และ ผู้คนกำลังยืนอาจเป็นรูปภาพของ หนึ่งคนขึ้นไป และ ผู้คนกำลังยืนอาจเป็นรูปภาพของ หนึ่งคนขึ้นไป, ผู้คนกำลังยืน และ สถานที่ในร่มอาจเป็นรูปภาพของ หนึ่งคนขึ้นไป และ ผู้คนกำลังยืนอาจเป็นรูปภาพของ หนึ่งคนขึ้นไป, ผู้คนกำลังยืน, สถานที่ในร่ม และ ข้อความพูดว่า "+ ROUGE ""อาจเป็นรูปภาพของ หนึ่งคนขึ้นไป, ผู้คนกำลังนั่ง, ผู้คนกำลังยืน และ สถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังยืน และ สถานที่ในร่ม