ອົງການກາແດງລາວ

CROIX ROUGE LAO

ຫລາຍພາກສ່ວນເຫັນໄດ້ບົດບາດຄວາມສຳຄັນກາແດງ.

ຫລາຍພາກສ່ວນເຫັນໄດ້ບົດບາດຄວາມສຳຄັນກາແດງ.
ໃນວັນທີ 16 ສີງຫາ 2021 ທີ່ຜ່ານ ອົງການກາແດງແຂວງວຽງຈັນ ໄດ້ຮັບເຄື່ອງຊ່ວຍເຫຼືອ ປະເພດເຄື່ອງໃຊ້ຄົວເຮືອນ ຈາກວັດໂອກາດສັກສິດ ບ້ານແສງສະຫ່ວາງ ເມືອງແກ້ວອຸດົມ ແຂວງວຽງຈັນ ເຊິ່ງກ່າວມອບໂດຍໂດຍທ່ານ ຄູບາບຸນນອບ ພິລາວົງ ເຈົ້າອາທິວັດພະເຈົ້າໂອກາດສັກສິດ, ກ່າວຮັບໂດຍທ່ານ ສົມສະນຸກ ອຸ່ນບັນດາສັກ ຫົວໝ້າຂະແໝງໂຄສະນາຂົນຂວາຍການກຸສົນ ອົງການກາແດງແຂວງວຽງຈັນ, ເຄື່ອງທີ່ນຳມາມອບໃນຄັ້ງນີ້ປະກອບມີ: ຕຽງນອນ ຈຳນວນ 18 ໜ່ວຍ, ໜໍ້ໜື້ງ 34 ໜ່ວຍ, ຜ້າຫົ່ມ 9 ຜືນ,ຜ້າເສື່ອ 30 ຜືນ, ໝອນ 9 ໜ່ວຍ, ພາເຂົ້າໂລ 9 ພາ, ຖ້ວຍນ້ອຍ8 ກະຕ່າ, ພາທາດ 16 ອັນ, ຂຽງ 50 ອັນ, ຄົກ 33 ໜ່ວຍ, ຫວດ 9 ໜ່ວຍ ແລະ ຫຼອດໄຟ 25 ອັນ; ລວມມູນຄ່າ 4.000.000 ກີບ, ເຄື່ອງຈໍານວນດັ່ງກ່າວແມ່ນຈະໄດ້ແຮໄວ້ຊ່ວຍເຫຼືອໃຫ້ແກ່ຄອບຄົວທີ່ຖືກຜົນກະທົບຈາກອັກຄິໄພໄຟໄໜ້ເຮືອນ, ທຸກຍາກ ປ່ຽວພອຍ ແລະ ໄພທຳມະຊາດນໍ້າຖ້ວມຢູ່ພາຍໃນ ແຂວງວຽງຈັນ,ເພື່ອໃຫ້ທັນກັບເຫດການ.