ອົງການກາແດງລາວ

CROIX ROUGE LAO

ຫຼາຍພາກສ່ວນສືບຕໍ່ມອບເຄື່ອງໃຫ້ອົງການກາແດງລາວ.

ໃນວັນທີ 8 ທັນວາ 2021 ນີ້ ກຸ່ມບໍລິສັດ ຊາສີກຣຸບ ຈຳກັດ ໄດ້ປະກອບສ່ວນນ້ຳດື່ມ ຈຳນວນ 250 ແພັກ, ໝີໂຈກ 20 ແກັດ ລວມມູນຄ່າ 6.950.000 ກີບ ເປັນກຽດມອບໂດຍທ່ານ ສາຍຍັນ ວັນນຸວົງ ຕາງໜ້າໃຫ້ກຸ່ມບໍລິສັດຊາສີກຣຸບ ແລະ ບໍລິສັດການຢາເມແມັສໂກ້ ຈຳກັດ ກໍໄດ້ນໍາເອົາເຄື່ອງອຸປະກອນການແພດປະກອບມີ ສຳລີ 130 ກໍ້, ຊຸດລ້າງບາດ 80 ຊຸດ ແລະ ຜ້າຢາງກັນເປື້ອນ 200 ອັນ. ລວມມູນຄ່າທັງໝົດ 7.300.000 ກີບ ໂດຍການກ່າວມອບຂອງທ່ານ ນາງ ອຸ້ມມາລາ ວິພົນຮຽນ ຜູ້ຈັດການບໍລິສັດການຢາເມແມັສໂກ້ ຈຳກັດ ແລະ ກ່າວຮັບໂດຍ ທ່ານ ຮສ. ດຣ. ພູທອນ ເມືອງປາກ ປະທານອົງການກາແດງລາວ, ການນໍາເຄື່ອງຈໍານວນດັ່ງກ່າວມາມອບໃຫ້ແກ່ອົງການກາແດງລາວເພື່ອຮັບໃຊ້ເຂົ້າໃນວຽກງານສະກັດກັ້ນການແຜ່ລະບາດຂອງພະຍາດໂຄວິດ-19 ແລະ ຮັບໃຊ້ເຂົ້າໃນວຽກງານກູ້ຊີບ-ກູ້ໄພຂອງອົງການກາແດງລາວ, ໂອກາດດັ່ງກ່າວທ່ານປະທານອົງການກາແດງລາວ ໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງກຸ່ມບໍລິສັດຊາສີກຣຸບ ຈຳກັດ ແລະ ບໍລິສັດການຢາເມແມັສໂກ້ ຈຳກັດ ທີ່ໄດ້ປະກອບສ່ວນ ແລະ ເຫັນໄດ້ເຖິງຄວາມສຳຄັນຂອງວຽກງານຂອງອົງການກາແດງລາວ ແລະ ຈະໄດ້ນຳເອົາເຄື່ອງທີ່ໄດ້ຮັບໃນຄັ້ງນີ້ນໍາໃຊ້ເຂົ້າໃນວຽກງານຂອງຕົນຢ່າງສູງສຸດ.