ອົງການກາແດງລາວ

CROIX ROUGE LAO

ອາສາສະຫມັກເມືອງ ຫົວເມືອງ ແຂວງ ຫົວພັນ ຮັບຮູ້ໃນວຽກງານໄພພິບັດ ແລະ ສົ່ງເສີມສຸຂະພາບ.

ໃນລະຫວ່າງວັນທີ 15 – 18 ມິຖຸນາ 2020 ອົງການກາແດງລາວ ໄດ້ຈັດຊຸດຝຶກອົບຮົມສ້າງອາສາສະຫມັກກາແດງ ກ່ຽວກັບວຽກງານໄພພິບັດ ແລະ ການສົ່ງເສີມສຸຂະພາບ ຂຶ້ນທີ່ ສະໂມສອນ ທະຫານເມືອງ ເມືອງ ຫົວເມືອງ ແຂວງຫົວພັນ ໂດຍເປັນການເຂົ້າຮ່ວມ ຄອນສະຫວັນ ຈັນທະຄາມ ຫົວຫນ້າຫ້ອງການອົງການກາແດງລາວ; ມີທ່ານ ວຽງພອນ ຄຳວົງສາ ຮອງເລຂາພັກເມືອງ ຜູ້ຊີ້ນຳວຽກງານຂົງເຂດສາທາລະນະສຸກ, ການສຶກສາ – ກິລາ ແລະ ໂຄສະນາອົບຮົມຫ້ອງການແຮງງານ ແລະ ສະຫວັດດີການສັງຄົມ; ມີທ່ານ ຄຳສີ ຜິວວິໄລ ຫົວຫນ້າອົງການກາແດງແຂວງ ຫົວພັນ, ພ້ອມດ້ວຍພະນັກງານກາແດງແຂວງ, ກາແດງເມືອງ; ພະນັກງານ ຈາກພະແນກການທີ່ກ່ຽວຂ້ອງອ້ອມຂ້າງເມືອງ, ອາຈານ ແລະ ນັກຮຽນພາຍໃນເທດສະບານມືອງ ແລະ ຕົວແທນຈາກບ້ານ, ເຂົ້າຮ່ວມທັງຫມົດ 52 ທ່ານ, ຍິງ 31 ທ່ານ.

ການຝຶກອົບຮົມໃນຄັ້ງນີ້ ເພື່ອສ້າງອາສາສະໝັກ ອາສາສະໝັກກາແດງລາວ ໃຫ້ກວ້າງຂວາງອອກລົງສູ່ຂັ້ນບ້ານ,ໃຫ້ເຂົາເຈົ້າມີຄວາມຮູ້ ກ່ຽວກັບ ຂະບວນການກາແດງ, ວຽກງານກາແດງລາວ, ການປະຖົມ ພະຍາບານ, ໄພພິບັດ ແລະ ການຮັບມືກັບໄພພິບັດ, ການສົ່ງເສີມສຸຂະພາບ ໃນເວລາເກີດໄພພິບັດ, ນອກຈາກນັ້ນ; ອາສາສະໝັກທີ່ໄດ້ເຂົ້າຝຶກອົບຮົມໃນຄັ້ງນີ້ ກໍ່ຍັງໄດ້ປະຕິບັດຕົວຈິງກ່ຽວກັບ ວຽກງານການປະຖົມພະຍາບານ, ວິທີການຫ້າມເລືອດ, ການຊ່ວຍຫາຍໃຈ – ການປັ້ມຫົວໃຈ (CPR) ແລະ ວິທີການຊ່ວຍເຫຼືອຜູ້ທີ່ມີສິ່ງອຸດຕັນໃນຫລອດອາຫານ; ເພື່ອເປັນການກະຕຸກຊຸກຍູ້ ໃຫ້ອາສາສະໝັກກາແດງລາວ ມີຄວາມຮູ້ຄວາມສາມາດ, ເພື່ອພັດທະນາຊົນນະບົດໃນເຂດຫ່າງໄກໄດ້ຮັບຮູ້ ແລະ ປະກອບສ່ວນໃນທ້ອງຖິ່ນຕົນເອງໃຫ້ດີຂື້ນ.


ຊຸດຝຶກອົບຮົມໃນຄັ້ງນີ້ ໄດ້ຮັບການສະຫນັບສະຫນູນຈາກ ສະຫະພັນກາແດງ ແລະ ຊີກວົງເດືອນແດງສາກົນ(IFRC).