ອົງການກາແດງລາວ

CROIX ROUGE LAO

ອາສາສະໜັກກູ້ໄພກາແດງລາວ ແຂວງຫຼວງພະບາງເຂົ້າຊ່ວຍເຫລືອປະຊາຊົນແຂວງໄຊຍະບູລີ.

ໃນວັນທີ່​ 14​ ມິຖຸນາ​ 2021​ ທີມ​ງາ​ນໜ່ວຍກູ້ຊີບ-ກູ້ໄພ​ອົງການ​ກາແດງລາວ ​ແຂວງຫຼວງພະບາງ​ ໄດ້ສົມທົບກັບພະແນກແຮງງານແລະສະຫັວດດີການສັງຄົມແຂວງ ພ້ອມດ້ວຍນັກທຸລະກິດຢູ່ແຂວງຫຼວງພະບາງ ໄດ້ເດີນທາງໄປສົມທົບກັບອົງການກາແດງລາວແຂວງໄຊຍະບູລີ ລົງຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມ; ເພື່ອຊ່ວຍໃນການລຳລຽງປະຊາຊົນອອກຈາກເຂດສ່ຽງໂດຍໄດ້ໃຊ້ເຮືອຈຳນວນ 2 ລຳ ແລະ ເຈັດກີ່ 1 ລຳ:
– ລຳທີ່ 1 ຂອງໜ່ວຍກູ້ໄພ: ໄດ້ຊ່ວຍລຳລຽງປະຊາຊົນອອກຈາກບ່ອນສ່ຽງ ຈຳນວນ 4 ຄັ້ງ, ຈຳນວນຄົນທັງໝົດ 19 ຄົນ, ຍິງ 11 ຄົນ, ເດັກນ້ອຍ (ຊາຍ) 2 ຄົນ.
– ລຳທີ່ 2 ພ້ອມນັ້ນຍັງໄດ້ໄປສຳຫຼວດຕາມແຄມແມ່ນ້ຳຮຸ່ງ ແລະ ທີ່ກຳລັງໄຫລຖ້ວມເຮືອນປະຊາຊົນໄດ້ຊ່ວຍລຳລຽງປະຊາຊົນອອກຈາກເຂດສ່ຽງ ຈຳນວນ 22 ຄົນ, ຍິງ 7 ຄົນ, ເດັກນ້ອຍ 5 ຄົນ, ຍິງ 2 ຄົນ ສົມທົບກັບ ເຈັດສະກີ່ ປະຊາຊົນທີ່ໄດ້ຮັບການຊ່ວຍເຫຼືອທັງໜົດ 11 ບ້ານຄື: ບ້ານ ສີມຸງຄຸນ, ບ້ານປົ່ງ , ບ້ານນາຍາວ , ບ້ານປຸ່ງ ,ບ້ານ ຖີ່ນ , ບ້ານ ວັງຊອຍ , ບ້ານ ນາເລົາ , ບ້ານ ໜອງແຊງ , ບ້ານ ນາຕໍນ້ອຍ , ບ້ານ ນາຕໍໃຫຍ່ ແລະ ບ້ານ ນູນສະຫວັນ ເມືອງ ໄຊຍະບູລີ, ນອກຈາກນີ້,ຍັງໄດ້ຊ່ວຍພະແນກສາທາລະນະສຸກແຂວງຫຼວງພະບາງຕິດຕັ້ງເຄື່ອງກອງນໍ້າດື່ມເພື່ອຈະລົງແຈກຢາຍນໍ້າດື່ມໃຫ້ແກ່ປະຊາຊົນທີ່ໄດ້ຮັບຜົນກະກົບຈາກໄພນໍ້າຖ້ວມໃນຄັ້ງນີ້ອີກດ້ວຍ.