ອົງການກາແດງລາວ

CROIX ROUGE LAO

ອາສາສະໝັກອົງການກາແດງລາວຊ່ວຍເຫຼືອປະຊາຊົນເມືອງສອງທີ່ປະສົບໄພນຳ້ຖ້ວມ ແລະ ຕິດຕັ້ງນຳ້ສະອາດ

ໃນວັນທີ 13 ກັນຍາ 2019 ນີ້ ທ່ານ ພຸດທະວົງ ພົມມະຈັນ ຮອງເຈົ້າເມືອງສອງຄອນ ໄດ້ໃຫ້ສຳພາດຕໍ່ຂ່າວສານກາແດງກ່ຽວກັບສະພາບນຳ້ຖ້ວມ ຢູ່ເມືອງສອງຄອນແຂວງສະຫວັນນະເຂດວ່າ: ນຳ້ຖ້ວມເມືອງສອງຄອນແຂວງສະຫວັນນະເຂດ ເລີ້ມຕົ້ມມາແຕ່ວັນທີ 28 ສິງຫາ 2019 – ວັນທີ 6 ກັນຍາ 2019 ຍ້ອນພະຍຸ ດີເຟັດຊັ້ນ ແລະ ພະຍຸໂພດູຈຶ່ງເຮັດໃຫ້ນຳ້ຖ້ວມເປັນບໍລິເວນກວ້າງກ້ວມເອົາ 36 ບ້ານ 3396 ຄອບຄົວ 20950 ຄົນທີ່ໄດ້ຜົນກະທົບຢ່າງໜັກໜ່ວງ,
ຕໍ່ກັບບັນຫາດັ່ງກ່າວ ທັງ ອຳນາດການປົກຄອງ ຄະນະພັກເມືອງໄດ້ລະດົມທຸກພາກສ່ວຍເຂົ້າໄປຊ່ວຍເຫຼືອຂົນຍ້າຍປະຊາຊົນໄປເຂດປອດໄປລວມ ທັງອ້າຍອາສາສະມັກ ອົງການກາແດງລາວພ້ອມດ້ວຍອຸປະກອນຄົບຊຸດ ເປັນຕົ້ນແມ່ນ: ລົດອະບູລັງ 1 ຄັນເຮືອ ທ້ອງແບນສອງລຳ ວິຊາການປະຖົມພະຍາບານ ແລະ ພ້ອມທັງຕິດຕັ້ງນຳ້ສະອາດໃຫ້ປະຊາຊົນ ທີບ້ານສິງທ່າ ເປັນເຄື່ອງ AP 700 ຜະລິດທີ່ປະເທດອິນເດຍ ສາມາດຜະລິດນຳ້ໄດ້ 24000 ຕໍ່ວັນ.
ນອກຈາກນັ້ນຍັງໃຫ້ອາສາສະໝັກອົງການກາແດງລາວ ລໍາລຽງຂົນສົງສະບຽງອາຫານເຂົ້າໄປສູນພັກເຊົ້າໃນ4 ກຸ່ມບ້ານ ປະຖົມພະຍາບານໃຫ້ປະຊາຊົນຕາມຈຸດຕ່າງໆທຸກວັນ
ມາຮອດປະຈຸບັນນີ້ເຖິງແມ່ນນຳ້ຈະລົດແຕ່ຍັງຢູ່ໃນຂີດອັ່ນຕະລາຍຢູ່ ປະຊາຊົນຍັງບໍສາມາດເຂົ້າໄປເຮືອນຊານບ້ານຊ່ອງໄດ້ ຈື່ງຮຽກຮ້ອງມາຍັງພາກສ່ວນຕ່າງໆບໍລິຈາກສະບຽງອາຫານສິ່ງສຳຄັນແມ່ນເຂົ້າສານ ຕ້ອງການສູງປະມານ 300 ໂຕນ ແລະແນວພັນພືດຕ່າງໆເພື່ອໃຫ້ເຂົາເຈົ້າທຳການຜະລິດທົດແທນໃນລະດູແລງ.