ອົງການກາແດງລາວ

CROIX ROUGE LAO

ອົງການກາແດງກະກຽມເຄື່ອງໃຫ້ກາແຂວງເພື່ອຊ່ວຍເຫລືອປະຊາຊົນຜູ້ທຸກຍາກ.

ໃນວັນທີ 9 ພະຈິກ 2021 ອົງການກາແດງ ລາວໄດ້ກະກຽມເຄື່ອງໃຫ້ກາແດງແຂວງຄື:ໄດ້ແກ່ກາແດງແຂວງວຽງຈັນແລະກາແຂວງບໍລິຄຳໄຊເພື່ອໃຫ້ການຊ່ວຍເຫລືອປະຊາຊົນຜູ້ທຸກຍາກພາຍໃນແຂວງ.
ພິທີມອບ-ຮັບ ແລະ ຈັດສົ່ງເຄື່ອງແມ່ນຈັດຂື້ນທີ່ສາງກາແດງຫລັກ16ຖະຫນົນ13ໃຕ້ນະຄອນຫລວງວຽງຈັນ, ເຊິ່ງໃຫ້ກຽດກ່າວມອບໂດຍ ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ ແລະ ໃຫ້ກຽດກ່າວຮັບໂດຍ ທ່ານ ນາງ ວັນເພັງ ໄຊສົງຄາມ ຫົວຫນ້າກາແດງແຂວງ ບໍລິຄຳໄຊ ພ້ອມດ້ວຍ ທ່ານ ດຮ.ບຸນເນົາ ພະຈອມພົນ ຫົວຫນ້າອົງການກາແດງແຂວງວຽງຈັນ; ເຄື່ອງທີ່ຈັດສົ່ງໄປໃນຄັ້ງນີ້ປະກອບມີ: ເຄື່ອງນຸ່ງຫົ່ມປະສົມ ປະເພດ ໂສ້ງ, ເສື້ອ ແລະ ເກີບ ເຊິ່ງໄດ້ມອບໃຫ້ອົງການກາແດງແຂວງບໍລິຄຳໄຊ ຈຳນວນ 150 ແກັດ ໃນນັ້ນ, ມີເຄື່ອງນຸ່ງຫົ່ມປະສົມຈຳນວນ 50 ແກັດ, ເກີບ 100 ແກັດ ແລະ ມອບໃຫ້ອົງການກາແດງແຂວງ ວຽງຈັນ 200 ແກັດ ມີເຄື່ອງນຸ່ງຫົ່ມປະສົມ 100 ແກັດ ແລະ ເກີບຈຳນວນ 100 ແກັດ, ເຊິ່ງເປັນຜະລິດຕະພັນຂອງ ຟີລາ (FILA) ແລະ ໄດ້ຮັບການສະໜັບສະໜູນຈາກກາແດງ ສ.ເກົາຫຼີ ລວມມູນຄ່າ 711,550,000 ກີບ, ເພື່ອນຳໄປແຮໄວ້ເພື່ອໃຫ້ການຊ່ວຍເຫຼືອປະຊາຊົນຜູ້ທຸກຍາກພາຍໃນແຂວງໄດ້ຢ່າງທັນເວລາ
ໃນຕອນຕອນທ້າຍຂອງພິທີດັ່ງກ່າວ, ທ່ານຫົວໜ້າອົງການກາແດງແຂວງທັງສອງທ່ານ ກໍ່ໄດ້ສະແດງຄວາມຂອບໃຈ ຕໍ່ຄະນະນຳອົງການກາແດງລາວທີ່ເຫັນໄດ້ເຖິງຄວາມສຳຄັນໃນວຽກງານການຊ່ວຍເຫຼືອບັນເທົາທຸກ ລົງສູ່ທ້ອງຖິ່ນ, ແລະ ໃຫ້ຄຳໝັ້ນສັນຍາວ່າ ສຳລັບເຄື່ອງຈຳນວນດັ່ງກ່າວທາງອົງການກາແດງແຂວງວຽງຈັນ ແມ່ນຈະໄດ້ນຳໄປມອບໃຫ້ໂຮງກິນ-ນອນຊົນເຜົ່າ ແລະ ປະຊາຊົນຜູ້ທີ່ທຸກຍາກ ແລະ ປະສົບໄພພິບັດພາຍໃນແຂວງ, ສ່ວນແຂວງບໍລິຄຳໄຊ ແມ່ນຈະໄດ້ໄປຊ່ວຍເຫຼືອຜູ້ທຸກຍາກ, ຜູ້ດ້ອຍໂອກາດຢູ່ພາຍໃນແຂວງເຊັ່ນດຽວກັນ ແລະ ຈະນຳໃຊ້ເຄື່ອງທີ່ໄດ້ຮັບໃນຄັ້ງນີ້ ໃຫ້ປະຊາຊົນ ໄດ້ຮັບຜົນປະໂຫຍດທີ່ສຸດอาจเป็นรูปภาพของ 6 คน และ ผู้คนกำลังยืนอาจเป็นรูปภาพของ 9 คน และ ผู้คนกำลังยืนอาจเป็นรูปภาพของ 8 คน และ ผู้คนกำลังยืนอาจเป็นรูปภาพของ 9 คน และ ผู้คนกำลังยืนอาจเป็นรูปภาพของ 2 คน.