ອົງການກາແດງລາວ

CROIX ROUGE LAO

ອົງການກາແດງລາວຊ່ວຍບູລະນະໂຮງຮຽນເມືອງປາກງື່ມ.

 

ໃນວັນທີ 16-23 ກໍລະກົດ2019 ຢູ່ທີ່ໂຮງຮຽນປະຖົມບ້ານ ຫນອງບົວທອງເມືອງ ປາກງື່ມ ນະຄອນຫລວງວຽງຈັນ ໄດ້ຈັດພິທີສ້ອມແປງອາຄານຮຽນຮ່ວມກັບອາສະຫມັກ ສ.ເກົາຫລີຂຶ້ນໂດຍການເຂົ້າຮ່ວມຂອງທ່ານ ພອນຄຳ ແກ້ວວິໄລ ຫົວໜ້າກອງໂຄສະນາ ແລະ ຂົນຂວາຍການກຸສົນ ອົງການກາແດງລາວ, ທ່ານ ບຸນມາ ພັດທະນາສິນ ຫົວຫນ້າຫ້ອງການຖະແຫລງຂ່າວແລະທ່ອງທ່ຽວເມືອງປາກງື່ມ,ທ່ານ ຍູນມິນຈາ ຫົວຫນ້າທີມນຳພາອາສາສະຫມັກ ແຂວງຈອ່ງນາມ ສ.ເກົາຫລີ,ມີຄະນະບ້ານ, ຜູ້ຕາງຫນ້າຈາກສຶກສາ ແລະ ກິລາເມືອງ, ອຳນາດການປົກຄອງ, ຄູ-ອາຈານ, ນ້ອງນັກຮຽນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ວຽກທີ່ຈະສ້ອມແປງໃນຄັ້ງນີ້ມີ:
ອາຄານຮຽນ2ແຫ່ງປະຖົມ ແລະ ອະນຸບານບ້ານຫນອງບົວທອງ ແລະ ບ້ານນາຝາຍຄື: ທາສີອາຄານຮຽນ,ປ່ຽນສັງກະສີອາຄານຊັ້ນປະຖົມ, ເທພື້ນຫ້ອງຮຽນໄດ້ ມອບອຸປະກອນການຮຽນ-ການສຶກສາ ໃຫ້ຄວາມຮູ້ດ້ານສຸຂະອະນະໄມ, ຮຽນຮູ້ວັດທະນະທຳ ການນຸ່ງຖື, ການເຮັດອາຫານ, ບາສີສູ່ຂວັນ ແລະ ສະແດງສິລະປະຮ່ວມກັນ. ລວມມູນຄ່າໃນການນຳໃຊ້ເຄື່ອນໄຫວກິດຈະກຳແລະສ້ອມແປງໂຮງຮຽນທັງໝົດ99.535.000ກີບ.