ອົງການກາແດງລາວ

CROIX ROUGE LAO

ອົງການກາແດງລາວຊ່ວຍເຫລຶອປະຊາຊົນເມືອງສະຫນາມໄຊທີປະສົບໄພນຳ້ຖ້ວມ1000ລ້ານກວ່າກີບ

ອົງການກາແດງລາວຊ່ວຍເຫລຶອປະຊາຊົນເມືອງສະຫນາມໄຊທີປະສົບໄພນຳ້ຖ້ວມ1000ລ້ານກວ່າກີບ.
ໃນລະຫວ່າງວັນທີ 13-18ມັງກອນ 2019ນີ້ ອົງການກາແດງລາວໄດ້ປະຊາຊົນທີ່ໄດ້ຮັບຜົນກະທົບຈາກສັນເຄື່ອນເຊປຽນ-ເຊນ້ຳນ້ອຍແຕກປີຜ່ານມາ ແລະ ໄດ້ສ້າງຄວາມເສຍຫາຍທາງດ້ານຊີວິດແລະ ຊັບສິນ ເປັນຈຳນວນຫລວງຫຼາຍໃນໄລຍະຜ່ານມາ ອົງການກາແດງລາວເຄີຍໄດ້ປະກອບສ່ວນຊ່ວຍເຫຼືອດ້ານເຫື່ອແຮງ ແລະ ວັດຖຸສິ່ງຂອງໃຫ້ກັບພໍ່ແມ່ປະຊາຊົນດັ່ງກ່າວ ແລະ ມາຮອດປະຈຸບັນນີ້ກໍ່ໄດ້ສືບຕໍ່ໃຫ້ການຊ່ວຍເຫລືອດ້ານເງິນສົດ 1,047,000,000.ກິບຈຳນວນ1464ຄອບຄົວ, 6127ຄົນ, ຈຳນວນ9ບ້ານທີ່ໄດ້ຮັຜົນກະທົບຈາກໄພນຳ້ຖ້ວມ ເຊິ່ງໄດ້ແກ່: ບ້ານໃຫມ່, ທ່າຫີນ, ທ່າອ້ວນ, ດອນມ່ວງ, ທ່າແສງຈັນ, ຫີນລາດສະຫນອງ, ຕຊມໍຢອດແລະບ້ານປີນດົງ. ໃນນັ້ນຄອບຄົວ1-4ຄົນແມ່ນຈະໄດ້ ຄອບຄົວລະ 600,000ກີບ ແລະ ຄອບຄົວ 5 ຄົນຂຶ້ນໄປແມ່ນໄດ້ຮັບເງິນ 900,000 ກີບ . ກ່າວມອບໂດຍທ່ານ ທອງພະຈັນ ສອນນະສິນ ຮອງປະທານອົງການກາແດງລາວ,ມີພະແນກແຮງງານສະຫວັດດີການ-ສັງຄົມແຂວງ,ກາແດງແຂວງ ແລະ ເມືອງເຂົ້າຮ້ວມ. ການຊ່ວຍເຫລືອເງິນສົດໃນຄັ້ງກໍ່ເພຶ່ອເຮັດໃຫ້ຊີວິດການເປັນເຂົາເຈົ້າດີຂຶ້ນໃນການໃຊ້ຈ່າຍຕາມຄວາມຕ້ອງການໃນຊິວິດປະຈຳວັນ.