ອົງການກາແດງລາວ

CROIX ROUGE LAO

ອົງການກາແດງລາວຊ່ວຍເຫລືອພໍ່ແມ່ປະຊາຊົນ4ເມືອງ ນະຄອນຫລວງວຽງຈັນ

ໃນວັນທີ 03 ມີຖຸນາ 2022 ນີ້ ອົງການກາແດງແຫ່ງຊາດລາວ ໄດ້ຈັດພິທີມອບເຄື່ອງໃຫ້ອຳນາດການປົກຄອງນະຄອນຫຼວງວຽງຈັນ
ໂດຍເປັນກຽດມອບຂອງທ່ານ ຮສ ດຣ ສິງ ເມໂນລາດ ຮອງປະທານອົງການກາແດງແຫ່ງຊາດລາວ ແລະ ຮັບໂດຍ ທ່ານ ພູວົງ ວົງຄຳຊາວ ຮອງເຈົ້າຄອງນະຄອນຫຼວງວຽງຈັນ ການມອບເຄື່ອງໃນຄັ້ງນີ້ແມ່ນເພື່ອເປັນການຊ່ວຍເຫຼືອໃຫ້ແກ່ຄອບຄົວທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19ໃນໄລຍະຜ່ານມາ ເຄື່ອງຈຳນວນດັ່ງກ່າວປະກອບມີເຄື່ອງບັນເທົາທຸກ 400 ຖົງ ແລະ ເຄື່ອງສຸຂະອະນາໄມ 400 ຊຸດ ມອບຜ່ານຫ້ອງວ່າການປົກຄອງນະຄອນຫຼວງວຽງຈັນ ໃຫ້ແກ່ 4 ເມືອງ ຄື: ເມືອງ ສັງທອງ, ປາກງຶ່ມ, ຫາດຊາຍຟອງ ແລະ ເມືອງສີໂຄດຕະບອງ ເຊິ່ງມີ 345 ຄອບຄົວ, ມອບໃຫ້ອຳນາດການປົກຄອງນະຄອນຫຼວງແລ້ວ ທາງຄະນະຮັບຜິດຊອບຈະໄດ້ລົງສົມທົບກັບເມືອງ, ບ້ານ ເປົ້າໝາຍ ລົງແຈກຈ່າຍໃຫ້ກັບຄອບຄົວເປົ້າໝາຍ. ເຄື່ອງທີ່ນຳມາມອບໃນຄັ້ງນີ້ໄດ້ຮັບການສະໜັບສະໜູນຈາກ ອົງການກາແດງສະວິດສ໌, ລວມມູນຄ່າທັງໝົດ 109.200.000 ກີບ.