ອົງການກາແດງລາວ

CROIX ROUGE LAO

ອົງການກາແດງລາວຊ່ວຍເຫຼືອປະຊາຊົນ ແຂວງໄຊສົມບູນ

ໃນວັນທີ 04 ກັນຍາ 2019 ອົງການກາແດງລາວ ໄດ້ລົງໄປມອບເຄື່ອງຊ່ວຍເຫຼືອປະຊາຊົນ ຜູ້ທຸກຍາກທີ່ບ້ານ ຫຼວງພັນໄຊ ຈຳນວນ 6 ຄອບຄົວ ຂອງເມືອງ ລ່ອງແຈ້ງ ແຂວງ ໄຊສົມບູນ ທີ່ທຸກຍາກຂາດເຂີນ, ເຄື່ອງທີ່ນຳມາຊ່ວຍເຫຼືອໃນຄັ້ງນີ້ປະກອບມີ: ຜ້າຫົ່ມ, ມຸ້ງຄອບຄົວ, ສາດຢາງ, ເຄື່ອງໃຊ້ພາຍໃນຄົວເຮືອນ, ໝໍ້ໜຶ້ງເຂົ້າ, ໝໍ້ແກງພ້ອມດ້ວຍເຄື່ອງນຸ່ງຫົ່ມປະສົມ ລວມມູນຄ່າທັງໝົດ 8,670,000 ກີບ ເຊິ່ງໄດ້ຮັບການສະໜັບສະໜູນຈາກສະພາກາຊາດໄທ, ຄະນະກຳມະການກາແດງສາກົນ (ICRC) ແລະ ສັງຄົມພາຍໃນນະຄອນຫຼວງວຽງຈັນ, ກ່າວມອບໂດຍທ່ານ ທອງພະຈັນ ສອນນະສິນ ຮອງປະທານອົງການກາແດງລາວ ແລະ ກ່າວຮັບໂດຍ ຄອບຄົວຜູ້ທີ່ທຸກຍາກ ໂດຍຊ້ອງໜ້າອຳນາດການປົກຄອງບ້ານ.

ມາຮອດປັດຈຸບັນກໍ່ຍັງມີຜູ້ທີ່ທຸກຍາກຂາດເຂີນທີ່ຍັງຕ້ອງການ ການຊ່ວຍເຫຼືອຈາກສັງຄົມ; ຖ້າທ່ານໃດຢາກປະກອບສ່ວນຊ່ວຍເຫຼືອສາມາດຕິດຕໍ່ໄດ້ທີ່ອົງການກາແດງລາວ ຖະໜົນເສດຖາທິລາດ, ຄຸ້ມຊຽງຍືນ ນະຄອນຫຼວງວຽງຈັນ ໝາຍເລກໂທລະສັບ 021 253 014 .