ອົງການກາແດງລາວ

CROIX ROUGE LAO

ອົງການກາແດງລາວຊ່ວຍເຫຼືອປະຊາຊົນແຂວງໄຊຍະບູລີ.

ໃນວັນທີ 24-25 ມິຖຸນາ 2019 ອົງການກາແດງລາວ ນຳໂດຍທ່ານ ທອງພະຈັນ ສອນນະສິນ ຮອງປະທານອົງການກາແດງລາວ, ມີທ່ານ ວັນນະສິນ ມຸງຄຸນສະຫວັດ ຫົວໜ້າອົງການກາແດງແຂວງ ໄຊຍະບູລີ ພ້ອມດ້ວຍຄະນະໄດ້ລົງຊ່ວຍເຫຼືອປະຊາຊົນບ້ານ ຫ້ວຍຈ້ວງ ເມືອງ ຫົງສາ, ບ້ານ ນໍ້າທົນ ແລະ ບ້ານດອນສະຫວ່າງ ເມືອງ ເງິນ ແຂວງ ໄຊຍະບູລີ ຈຳນວນ 25ຄອບຄົວ ທີ່ໄດ້ຮັບຜົນກະທົບຈາກລົມພາຍຸລະດູຮ້ອນພັດ ບ່ອນທີ່ພັກອາໃສ ເພພັງອັນໄດ້ສ້າງຄວາມເສຍຫາຍໃຫ້ແກ່ປະຊາຊົນຢ່າງຫລວງຫລາຍ ແລະ ປະຊາຊົນທີ່ຮັບຜົນກະທົບຈາກໄຟໄຫມ້ ທີ່ເມືອງຄອບ ແຂວງ ໄຊຍະບູລີ ຈຳນວນ 20 ຄອບຄົວ ເຄື່ອງທີ່ນຳມາຊ່ວຍເຫຼືອໃນຄັ້ງນີ້ປະກອບມີ: ຜ້າຫົ່ມ, ມຸ້ງ, ສາດ, ໂສ້ງຊ້ອນຜູ້ຊາຍ, ເຄື່ອງໃຊ້ພາຍໃນຄົວເຮືອນ, ເຄື່ອງບໍລິໂພກ ພ້ອມດ້ວຍເຄື່ອງນຸ່ງຫົ່ມປະສົມ ລວມມູນຄ່າທັງໝົດ 32,568,000ກີບ ເຊິ່ງໄດ້ຮັບການສະໜັບສະໜູນຈາກຄະນະກຳມະການກາແດງສາກົນ (ICRC) ແລະ ຈາກສັງຄົມ ກ່າວມອບໂດຍທ່ານ ທອງພະຈັນ ສອນນະສິນ ຮອງປະມານອົງການກາແດງລາວ ແລະ ກ່າວຮັບໂດຍ ນາຍບ້ານ ພາຍໃນໃນບ້ານດັ່ງກ່າວ ໂດຍຊ້ອງໜ້າພໍ່ແມ່ປະຊາຊົນ ແລະ ອຳນາດການປົກຄອງແຕ່ລະຂັ້ນ.