ອົງການກາແດງລາວ

CROIX ROUGE LAO

ອົງການກາແດງລາວປະກອບສ່ວນຊ່ວຍເຫຼືອແກ່ທະຫານກອງພັນ15 ແຂວງໄຊສົມບູນທີີປະສົບລົມພະຍຸລະດູແລງພັດ.

ໃນວັນທີ 18 ພຶດສະພາ 2019 ອົງການກາແດງລາວ ນຳໂດຍທ່ານ ທອງພະຈັນ ສອນນະສິນ ຮອງປະມານອົງການກາແດງລາວ, ມີທ່ານ ດຣ. ສີວິໄລ ໄຊຍະລາດ ຮອງຫົວໜ້າກອງຊ່ວຍເຫຼືອບັນເທົາທຸກ, ທ່ານ ດຮ. ຄຳປານ ເພັດວົງສາ ຫົວໜ້າອົງການກາແດງ ແຂວງ ໄຊສົມບູນ ພ້ອມດ້ວຍພະນັກງານ, ໄດ້ລົງໄປມອບເຄື່ອງຊ່ວຍເຫຼືອບັນເທົາທຸກໃຫ້ແກ່ ອ້າຍນ້ອງທະຫານ ກອງພັນ15 ຈຳນວນ 84 ຄົນ ທີ່ໄດ້ຮັບຜົນກະທົບຈາກລົມພາຍຸລະດູຮ້ອນພັດ ບ່ອນທີ່ພັກອາໃສ ເພພັງອັນໄດ້ສ້າງຄວາມເສຍຫາຍໃຫ້ແກ່ອ້າຍນ້ອງທະຫານຢ່າງຫລວງຫລາຍ, ເຄື່ອງທີ່ນຳມາຊ່ວຍເຫຼືອໃນຄັ້ງນີ້ປະກອບມີ: ຜ້າຫົ່ມ, ເສື້ອກັນໜາວຜູ້ໃຫຍ່, ມຸ້ງຄອບຄົວ, ສາດຢາງ ພ້ອມດ້ວຍເຄື່ອງນຸ່ງຫົ່ມປະສົມ ລວມມູນຄ່າທັງໝົດ 21,084,000 ກີບ ເຊິ່ງໄດ້ຮັບການສະໜັບສະໜູນຈາກຄະນະກຳມະການກາແດງສາກົນ (ICRC) ແລະ ສັງຄົມພາຍໃນນະຄອນຫຼວງວຽງຈັນ, ກ່າວມອບໂດຍທ່ານ ທອງພະຈັນ ສອນນະສິນ ຮອງປະມານອົງການກາແດງລາວ ແລະ ກ່າວຮັບໂດຍ ທ່ານ ຄຳໄພວັນ ພະຈັນທອງ ຫົວໜ້າການເມືອງ ກອງພັນ 15 ໂດຍຊ້ອງໜ້າອ້າຍນ້ອງທະຫານພາຍໃນກອງພັນ. ມາຮອດປັດຈຸບັນກໍ່ຍັງມີຜູ້ປະສົບໄພທີ່ຍັງຕ້ອງການ ການຊ່ວຍເຫຼືອຈາກສັງຄົມ; ຖ້າທ່ານໃດຢາກປະກອບສ່ວນຊ່ວຍເຫຼືອໃຫ້ແກ່ຜູ້ປະສົບໄພສາມາດຕິດຕໍ່ໄດ້ທີ່ອົງການກາແດງລາວ ຖະໜົນເສດຖາທິລາດ, ຄຸ້ມຊຽງຍືນ ນະຄອນຫຼວງວຽງຈັນ ໝາຍເລກໂທລະສັບ 021 253 014