ອົງການກາແດງລາວ

CROIX ROUGE LAO

ອົງການກາແດງລາວສະຫຼຸບໂຄງການຕອບໂຕ້ການລະບາດພະຍາດໂຄວິດ-19

ໃນວັນທີ 31ພຶດສະພາ 2022ນີ້ ຢູ່ທີ່ ຫ້ອງປະຊຸມສະຖາບັນເລືອດແຫ່ງຊາດ ໄດ້ຈັດພິທີສະຫຼຸບໂຄງການຕອບໂຕ້ການລະບາດພະຍາດໂຄວິດ-19 ຂຶ້ນ
ໂດຍເປັນກຽດເຂົ້າຮ່ວມຂອງທ່ານ ຮສ ດຣ ພູທອນ ເມືອງປາກ ປະທານອົງການກາແດງແຫ່ງຊາດລາວ, ທ່ານ ຊັງມາກ ໂຕເມ ຜູ້ຕາງໜ້າອົງການກາແດງສະວິດ ປະຈຳລາວ ພ້ອມດ້ວຍພະນັກງານຮັບຜິດຊອບຈາກສູນກາງແລະແຂວງເຂົ້າຮ່ວມ.
ໃນພິທີ ທ່ານ ດຣ ນາງ ສຸລານີ ຈັນສີ ຮອງຫົວໜ້າກອງສົ່ງເສີມສຸຂະພາບຊຸມຊົນ ອົງການກາແດງແຫ່ງຊາດລາວ,ທັງເປັນຫົວໜ້າໂຄງການ ໄດ້ຂຶ້ນລາຍງານທົບທວນຕີລາຄືນຜົນການຈັດຕັ້ງປະຕິບັດໂຄງການໃນໄລຍະຜ່ານມາໃນໃນການຊ່ວຍເຫລືອປະຊາຊົນຜູ້ໄດ້ຮັບຜົນກະທົບຈາກການແຜ່ລະບາດພະຍາດໂຄວິດ19ໃນແຂວງຕ່າງໆເປັນຕົ້ນແຂວງຫມາຍໂຄງການແມ່ນໄດ້ດີທີໄດ້ຈັດຕັ້ງໃນ08ແຂວງໃນໄລຍະ 08 ເດືອນຜ່ານມາ ເຊັ່ນ: ນະຄອນຫຼວງວຽງຈັນ, ແຂວງຫຼວງພະບາງ, ບໍ່ແກ້ວ,ຄຳມ່ວນ,ສະຫວັນນະເຂດ,ຈຳປາສັກ,ສາລະວັນແລະ ແຂວງເຊກອງ ເຊິ່ງມີຈຸດປະສົງເພື່ອໃຫ້ອົງການກາແດງຈັດຕັ້ງປະຕິບັດວຽກງານຕອບໂຕ້,ການແຜ່ລະບາດພະຍາດໂຄວິດ-19ຢູ່ 08ແຂວງເປົ້າໝາຍ, ເພື່ອຫຼຸດຜ່ອນການເຈັບເປັນ, ການເສຍຊີວິດແລະຜັນກະທົບທາງສັງຄົມຂອງການລະບາດພະຍາດໂຄວິດ-19; ເພື່ອຮັບປະກັນການເປັນຄູ່ຮ່ວມມື ແລະ ການຮ່ວມມືຢ່າງມີປະສິດທິພາບລະຫວ່າງຄູ່ຮ່ວມມືໃນໂຄງການ;ກຳນົດພາລະບົດບາດຢ່າງຈະແຈ້ງແລະຄວາມຮັບຜິດຊອບຂອງຄູ່ຮ່ວມງານໃນການຈັດຕັ້ງປະຕິບັດ,ຕິດຕາມ,ລາຍງານ,ຄຸ້ມຄອງການເງິນ,ກວດສອບ ແລະ ປະເມີນຜົນ ໂຄງການທີ່ໄດ້ຈັດຕັ້ງປະຕິບັດບັນດາກິດຈະກຳ ການຝຶກອົບຮົມ, ການໂຄສະນາໃຫ້ຄວາມຮູ້ກຽ່ວກັບການປ້ອງກັນພະຍາດໂຄວິດ-19;ປູກຈິດສຳນຶກກ່ຽວກັບການປ້ອງກັນພະຍາດໂຄວິດ-19 ໃນຊຸມຊົນ; ຂ້າເຊື້ອພະຍາດຢູ່ເຮືອນຜູ້ຕິດເຊື້ອ,ສະຖານທີ່ ທີ່ມີຄວາມສຽ່ງໃນການຕິດເຊື້ອ ແລະ ສູນແຍກປ່ຽວ; ການຊ່ວຍແພດ ໃນສະຖານທີ່ກວດເກັບຕົວຢ່າງເຊື້ອໂຄວິດ-19;ນຳສົ່ງບຸກຄົນທີ່ມີຄວາມສ່ຽງ ຫຼື ຕິດເຊື້ອໂຄວິດ-19;ສະໜອງເຄື່ອງບັນເທົາທຸກໃຫ້ແກ່ປະຊາຊົນທີ່ໄດ້ຮັບຜົນກະທົບ ໂຄວິດ-19ໃນຊຸມຊົນ; ສະໜອງອຸປະກອນສື່ສານ(ໄອທີ),ອຸປະກອນສື່ສານ(ໂຄສະນາ)ແລະເຄື່ອງປ້ອງກັນໂຄວິດ-19 ແລະ ຕິດຕາມຊຸກຍູ້ວຽກງານໂຄງການ ໂຄງການດັ່ງກ່າວສາມາດມີຜູ້ໄດ້ຮັບຜົນປະໂຫຍດທັງໝົດ 415,565 ຄົນ, ຍິງ 143,224 ຄົນ; ງົບປະມານທີ່ສະໜອງເຂົ້າໃນໂຄງການທັງໝົດ 717,902,744ກີບ; ສ່ວນໂຄງການສະໜັບສະໜູນສູນຈຳກັດບໍລິເວນ ແມ່ນໄດ້ຈັດຕັ້ງຢູ່ 06ແຂວງ ລວມ 62 ສູນ ເຊິ່ງເລີ່ມຈັດຕັ້ງປະຕິບັດໃນເດືອນກັນຍາ-ເດືອນ ທັນວາ 2021 ໂດຍສະເພາະແມ່ນໄດ້ສະໜັບສະໜູນ ອາຫານ 376,842ກ໋ອງ,ນ້ຳດື່ມ 49.239ຕຸກແລະ ເຄື່ອງໃຊ້ພື້ນຖານ 10.280 ຊຸດ ໃຫ້ແກ່ສູນຈຳກັດບໍລິເວນ ແລະ ໂຮງໝໍພາກສະໜາມ ເຊິ່ງມີຜູ້ໄດ້ຮັບຜົນປະໂຫຍດທັງໝົດ 10,092 ຄົນ, ຍິງ 5,136 ຄົນ ລວມມູນຄ່າທັງໝົດ 4.999.2377.600 ກີບ
ໃນກອງປະຊຸມ. ທ່ານປະທານອົງການກາແດງແຫ່ງຊາດລາວ ໄດ້ຍ້ອງຍໍຊົມເຊີຍຕໍ່ຜົນສຳເລັດເຊິ່ງເປັນການປະກອບໃນການຊ່ວຍເຫລືອປະຊາຊົນອັນໃຫຍ່ຫລວງ ທີ່ໄດ້ໄດ້ພ້ອມກັນຕ້ານກັບພະຍາດໂຕຮ້າຍກາດທີ່ໄດ້ຂ້າມະນຸດຈຳນວນຫລວງຫລາຍໂດຍຮ່ວມກັບພາກສ່ວນທີ່ຂ້ອງໃນການຈັດຕັ້ງປະຕີບັດຈົນສຳເລັດເຮັດພະຍາດດັ່ງກ່າວຫລຸດຖອຍລົງເປັນກ້າວໆຍ້ອນຄວາມເອົາໃຈໃສ່ແລະບວກກັບກຳລັງແຮງອາສາສະແລະພາກສ່ວນຕ່າງໆໃຫ້ການສະຫນັບສະຫນູນ,ປະກອບສ່ວນຊ່ວຍເຫລືອຜູ້ໄດ້ຜົນທົບຈາການແຜ່ລະບາດພະຍາດໂຄວິດ-19ໄດ້ປະສົບຜົນສຳເລັດຂອງວຽກງານກາແດງ