ອົງການກາແດງລາວ

CROIX ROUGE LAO

ອົງການກາແດງລາວ ຊ່ວຍເຫຼືອ ປະຊາຊົນ ແຂວງຫົວພັນ

ເພື່ອເປັນການຊ່ວຍເຫຼືອບັນເທົາທຸກໃຫ້ແກ່ປະຊາຊົນຜູ້ທີ່ຖືກເຄາະຮ້າຍຈາກໄພພິບັດນ້ຳຖ້ວມໃນຄັ້ງວັນທີ 3 ສິງຫາ 2019 ທີ່ຜ່ານມາ, ດັ່ງນັ້ນ ໃນວັນທີ 22 ສິງຫາ 2019 ອົງການກາແດງລາວ ຈຶ່ງໄດ້ລົງໄປມອບເຄື່ອງຊ່ວຍເຫຼືອບັນເທົາທຸກໃຫ້ແກ່ ປະຊາຊົນ 03 ບ້ານຄື: ບ້ານ ຫີນດຳ, ບ້ານ ນາຮາມ ແລະ ບ້ານຄຳນາງ ຈຳນວນ 15 ຄອບຄົວ, 116 ຄົນ, ຍິງ 44 ຄົນ ຂອງເມືອງ ວຽງໄຊ ແຂວງ ຫົວພັນ ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ ບ່ອນທີ່ພັກອາໄສ, ເຄື່ອງທີ່ນຳມາຊ່ວຍເຫຼືອໃນຄັ້ງນີ້ປະກອບມີ: ຜ້າຫົ່ມ, ໂສ້ງຊ້ອນ, ມຸ້ງຄອບຄົວ, ສາດຢາງ, ເຄື່ອງໃຊ້ພາຍໃນຄົວເຮືອນ, ໝໍ້ໜຶ້ງເຂົ້າ, ໝໍ້ແກງ, ໝີ່ສຳເລັດຮູບ, ປາກະປ໋ອງ, ແຟັບຊັກເຄື່ອງ, ຜ້າອະນາໄມ, ສະບູ, ຢາຖູແຂ້ວ, ພ້ອມດ້ວຍເຄື່ອງນຸ່ງຫົ່ມປະສົມ ລວມມູນຄ່າທັງໝົດ 57,304,000 ກີບ ເຊິ່ງໄດ້ຮັບການສະໜັບສະໜູນຈາກສະພາກາຊາດໄທ ແລະ ສັງຄົມພາຍໃນນະຄອນຫຼວງວຽງຈັນ, ກ່າວມອບໂດຍທ່ານ ວິໄລສັກ ບຸດສະບາ ຜູ້ຮັບຜິດຊອບວຽກງານຊ່ວຍເຫຼືອບັນເທົາທຸກອົງການກາແດງລາວ ແລະ ກ່າວຮັບໂດຍ ທ່ານ ທິນນາເລດ ບຸນທະວີ ຮອງຫົວໜ້າກາແດງແຂວງ ຫົວພັນ ໂດຍຊ້ອງໜ້າອ້າຍນ້ອງພະນັກງານ. ມາຮອດປັດຈຸບັນກໍ່ຍັງມີຜູ້ປະສົບໄພທີ່ຍັງຕ້ອງການ ການຊ່ວຍເຫຼືອຈາກສັງຄົມ; ຖ້າທ່ານໃດຢາກປະກອບສ່ວນຊ່ວຍເຫຼືອໃຫ້ແກ່ຜູ້ປະສົບໄພສາມາດຕິດຕໍ່ໄດ້ທີ່ອົງການກາແດງລາວ ຖະໜົນເສດຖາທິລາດ, ຄຸ້ມຊຽງຍືນ ນະຄອນຫຼວງວຽງຈັນ ໝາຍເລກໂທລະສັບ 021 253 014 .