ອົງການກາແດງລາວ

CROIX ROUGE LAO

ອົງການກາແດງລາວ ລົງຊ່ວຍເຫຼືອປະຊາຊົນຜູ້ທຸກຍາກບ້ານໂພນສີນວນ.

ໃນວັນທີ 15 ພະຈິກ 2021 ອົງການກາແດງລາວ ໄດ້ນຳເຄື່ອງຊ່ວຍເຫຼືອບັນເທົາທຸກສຸກເສີນ ໄປມອບໃຫ້ແກ່ຄອບຄົວທີ່ທຸກຍາກຂາດເຂີນຈຳນວນ 20 ຄອບຄົວ, ທີ່ບ້ານໂພນສີນວນ ເມືອງ ສີສັດຕະນາກ ນະຄອນຫຼວງວຽງຈັນ, ເຄື່ອງທີ່ນຳມາຊ່ວຍເຫຼືອໃນຄັ້ງນີ້ປະກອບມີ: ນ້ຳດື່ມ, ເຂົ້າສານໜຽວ, ນ້ຳມັນພືດ, ໄຂ່ໄກ່, ປ໋ອງປາ ພ້ອມດ້ວຍ ເຄື່ອງສຸຂະອານະໄມ ລວມມູນຄ່າ: 6.485.000 ກີບ; ໃຫ້ກຽດກ່າວມອບໂດຍທ່ານ ດຣ. ກາວີພອນ ສຸດທິ ຫົວໜ້າກອງຊ່ວຍເຫຼືອບັນເທົາທຸກອົງການກາແດງລາວ ແລະ ໃຫ້ກຽດກ່າວຮັບໂດຍທ່ານ ນາງ ວັນເພັງ ພັນພົນດີ ນາຍບ້ານບ້ານໂພນສີນວນ ໂດຍມີອຳນາດການປົກຄອງ ພ້ອມດ້ວຍ ຄອບຄົວທີ່ໄດ້ຮັບການຊ່ວຍເຫຼືອໃນຄັ້ງນີ້ ເຂົ້າຮ່ວມເປັນສັກຂີພິຍານ.
ທ່ານ ນາງ ວັນເພັງ ພັນພົນດີ ນາຍບ້ານ ບ້ານໂພນສີນວນ ກໍ່ໄດ້ສະແດງຄວາມຂອບໃຈມາຍັງອົງການກາແດງລາວ ທີ່ໄດ້ປະກອບສ່ວນຊ່ວຍເລືອປະຊາຊົນຜູ້ທຸກຍາກຂາດເຂີນໃນຄັ້ງນີ້, ທ່ານຍັງໃຫ້ຄຳໝັ້ນສັນຍາວ່າ ເຄື່ອງທີ່ໄດ້ຮັບການຊ່ວຍເຫຼືອເຫຼືອໃນຄັ້ງນີ້ແມ່ນຈະໄດ້ນຳໄປມອບໃຫ້ເຖິງມືປະຊາຊົນຢ່າງແນ່ນອນ,ສຳລັບເຄື່ອງຈຳນວນດັ່ງກ່າວແມ່ນໄດ້ຮັບການສະໜັບສະໜູນຈາກສະພາກາຊາດໄທ ແລະ ສັງຄົມພາຍໃນນະຄອນຫຼວງວຽງຈັນ.