ອົງການກາແດງລາວ

CROIX ROUGE LAO

ອົງການກາແດງແຂວງຄຳມ່ວນກະກຽມເຄື່ອງຊ່ວຍ ປະຊາຊົນໃນເວລາເກີດໄພພິບັດ

  ໃນວັນທີ 11 ກຸມພາ 2022 ອົງການກາແດງແຫ່ງຊາດລາວລາວໄດ້ຈັດສົ່ງເຄື່ອງຊ່ວຍເຫຼືອບັນເທົາທຸກໄປແຮໄວ້ສາງພາກກາງຕັ້ງຢູ່ເເຂວງ ຄຳມ່ວນ, ເຄື່ອງທີ່ຈັດສົ່ງໄປໃນຄັ້ງນີ້ປະກອບມີ: ເຄື່ອງນຸ່ງຫົ່ມປະສົມ ປະເພດ ໂສ້ງ, ເສື້ອ ແລະ ເກີບ; ໃນນັ້ນ, ມີເຄື່ອງນຸ່ງຫົ່ມປະສົມຈຳນວນ 100 ແກັດ, ເກີບ 200 ແກັດ, ເຊິ່ງເປັນຜະລິດຕະພັນຂອງ ຟີລາ (FILA) ແລະ ໄດ້ຮັບການສະໜັບສະໜູນຈາກກາແດງ ສ.ເກົາຫຼີ ລວມມູນຄ່າ 609,900,000 ກີບ, ເພື່ອນຳໄປແຮໄວ້ເພື່ອໃຫ້ການຊ່ວຍເຫຼືອປະຊາຊົນຜູ້ທຸກຍາກອານາຖາ, ປ່ຽວພອຍ, ປະສົບໄພພິບັດຈາກທຳມະຊາດ ແລະ ພາຍໃນແຂວງໄດ້ຢ່າງທັນເວລາ.
ໃນໂອກາດດັ່ງກ່າວ, ທ່ານຫົວໜ້າອົງການກາແດງແຂວງ ກໍ່ໄດ້ສະແດງຄວາມຂອບໃຈ ຕໍ່ຄະນະນຳອົງການກາແດງລາວທີ່ເຫັນໄດ້ເຖິງຄວາມສຳຄັນໃນວຽກງານການຊ່ວຍເຫຼືອບັນເທົາທຸກ ໃຫ້ແກ່ອົງການກາແດງ ແຂວງ ຄຳມ່ວນ ແລະ ຈະນຳເຄື່ອງຊ່ວຍເຫລືອດັ່ງກ່າວ ໄປຊ່ວຍເຫລືອປະຊາຊົນຜູ້ທຸກຍາກ ຕາມເປົ້າຫມາຍ.