ອົງການກາແດງລາວ

CROIX ROUGE LAO

ອົງການກາແດງແຂວງບໍລິຄຳໄຊ ຊ່ວຍເຫຼືອຄອບຄົວທຸກຍາກຢູ່ເມືອງວຽງທອງ.

ໃນວັນທີ 9 ທັນວາ 2021 ອົງການກາແດງແຂວງບໍລິຄໍາໄຊ ໄດ້ນໍາເອົາເຄື່ອງມາມອບໃຫ້ການນໍາຂອງເມືອງ ວຽງທອງ ເພື່ອນໍາໄປມອບຕໍ່ໃຫ້ປະຊາຊົນທີ່ທຸກຍາກຢູ່ເຂດຫ່າງໄກສອກຫຼີກ, ໃນມື້ດຽວກັນນີ້,ຍັງໄດ້ເຄື່ອນໄຫວມອບເຄື່ອງໃຫ້ປະຊາຊົນຄອບຄົວທຸກຍາກຢູ່ ບ້ານ ໄຊບົວທອງ, ຈຳນວນ 42 ຄອບຄົວ, ເປັນກຽດເຂົ້າຮ່ວມມອບເຄື່ອງໂດຍ ທ່ານ ບົວພັນ ອີນຄຳມະວົງ, ຮອງເຈົ້າເມືອງວຽງທອງ ແລະ ທ່ານ ນາງ ວັນເພັງ ໄຊສົງຄາມ ຫົວໜ້າອົງການກາແດງແຂວງບໍລິຄຳໄຊ ພ້ອມດ້ວຍຄະນະ, ໃຫ້ກຽດກ່າວຮັບໂດຍອຳນາດການປົກຄອງບ້ານ ໂດຍຊ່ອງໜ້າປະຊາຊົນພາຍໃນບ້ານ ແລະ ພາກສ່ວນທີ່ກ່ຽວຂ້ອງ, ເຄືອງທີ່ນຳມາມອບໃນຄັ້ງນີ້ປະກອບມີ ເຄື່ອງນຸ່ງຫົ່ມ ຈໍານວນ 2.436 ຜືນ ແລະ ເກີບຜ້າໃບ ຈໍານວນ 50 ຄູ່ ລວມມູນຄ່າທັງໝົດ 80.181,000 ກີບ, ເຄື່ອງດັ່ງກ່າວແມ່ນໄດ້ຮັບຈາກການຊ່ວຍເຫຼືອຂອງອົງການກາແດງປະເທດ ສ. ເກົາຫຼີ.