ອົງການກາແດງລາວ

CROIX ROUGE LAO

ອົງການກາແດງແຂວງໄຊຍະບູລີ ປະກອບສ່ວນຊ່ວຍເຫຼືອປະຊາຊົນ ບ້ານປາກຮຸ່ງ ແລະ ບ້ານ ຄົກຟາກ

ໃນວັນທີ 25 ກຸມພາ2022 ນີ້, ອົງການກາແດງແຂວງໄຊຍະບູລິ ຊຶ່ງນໍາໂດຍທ່ານ ວັນນະສິງ ມຸງຄຸນສະຫວັດ ຫົວໜ້າອົງການກາແດງແຂວງໄຊຍະບູລີ ພ້ອມດ້ວຍທີມງານ ໄດ້ລົງມອບເຄື່ອງຊ່ວຍເຫລືອບັນເທົາທຸກສຸກເສີນ ໃຫ້ແກ່ນ້ອງນັກຮຽນ ແລະ ປະຊາຊົນທີ່ຖຶກຜົນກະທົບນໍ້າຖ້ວມໃນໄລຍະກາງປີ2021ຜ່ານມາ, ຈໍານວນ 2 ບ້ານ ຄື:ບ້ານ ປາກຮຸ່ງ 92 ຄອບຄົວ, ໄດ້ມອບເກີບນັກຮຽນ 65 ຄູ່ ແລະ ບ້ານ ຄົກຟາກ 44 ຄອບຄົວ, ໄດ້ມອບເກີບນັກຮຽນ 35 ຄູ່, ລວມມູນຄ່າການຊ່ວຍເຫລືອໃນຄັ້ງນີ້ແມ່ນ 60,132.000 ກີບ, ການຊ່ວຍເຫືລອໃນຄັ້ງນີ້ແມ່ນໄດ້ຮັບການສະຫັນບສຫນູນຈາກສະພາກາຊາດໄທ ແລະກາແດງ ສສ ເກົາຫຼີ.ໃນໂອກາດດັ່ງກ່າວ, ທ່ານຜູ້ອຳນວຍການໂຮງຮຽນ ກໍ່ໄດ້ສະແດງຄວາມຂອບໃຈຕໍ່ທາງອົງການກາແດງແຂວງໄຊຍະບູລີ ທີ່ໄດ້ປະກອບສ່ວນຍາດແຍ່ງເອົາການຊ່ວຍເຫຼືອຈາກສາກົນ ມາຊ່ວຍເຫຼືອນ້ອງນັກຮຽນໃນຄັ້ງນີ້, ແລະ ຫວັງຢ່າງຍິ່ງວ່າຈະໃຫ້ການຊ່ວຍເຫຼືອນ້ອງນັກຮຽນໃນຕໍ່ໜ້າຕື່ມອີກ.