ອົງການກາແດງລາວ

CROIX ROUGE LAO

ອົງການກາແດງແຂວງ ວຽງຈັນ ຊ່ວຍເຫຼືອປະຊາຊົນຜູ້ທຸກຍາກ. ໃນວັນທີ 28 ພຶດສະພາ 2022

ທ່ານ ດຮ. ບຸນເນົາ ພະຈອມພົນ ຫົວຫນ້າອົງການກາແດງ ແຂວງວຽງຈັນ ໃນໂອກາດທີ່ທ່ານເດີນທາງຕິດຕາມ ໂຄງການ ຫຼຸດຜ່ອນຄວາມສ່ຽງໄພພິບັດ ເຊື່ອມສານວຽກງານສົ່ງເສີມສຸຂະພາບຊຸມຊົນ ທີ່ເມືອງ ແມດ ແຂວງ ວຽງຈັນ , ທ່ານຍັງໄດ້ນຳເຄື່ອງ ໄປຊ່ວຍເຫລືອແກ່ຄອບຄົວທີ່ທຸກຍາກຂາດເຂີນ ຈຳນວນ 02 ຄອບຄົວ ທີ່ທຸກຍາກໄດ້ແກ່ຄອບຄົວ ທ້າວຄອດ ແລະ ທ້າວສົມບັດ ຢູ່ບ້ານເມືອງຄີ່ ເມືອງແມດ ແຂວງວຽງຈັນ ເຄື່ອງທີ່ນຳມາຊ່ວຍເຫລືອໃນຄັ້ງນີ້ ແມ່ນປະເພດເຄື່ອງໃຊ້ຄົວເຮືອນ, ມຸ້ງ, ສາດ, ຜ້າຫົ່ມ ແລະ ເຄື່ອງນຸ່ງຫົ່ມ ລວມມູນຄ່າທັງຫມົດ 1,210,000 ກີບ; ໂດຍມີອຳນາດການປົກຄອງ ພ້ອມດ້ວຍ ຄອບຄົວທີ່ໄດ້ຮັບການຊ່ວຍເຫຼືອໃນຄັ້ງນີ້ ເຂົ້າຮ່ວມເປັນສັກຂີພິຍານ.