ອົງການກາແດງລາວ

CROIX ROUGE LAO

ອົງການກາແດງແຫ່ງຊາດລາວຈັດເຊື່ອມຊຶມບົດບາດຄວາມສຳຄັນວຽກງານກາແດງ

ໃນວັນທີ 26 ພຶດສະພາ 2022 ນີ້ ອົງການກາແດງແຫ່ງຊາດລາວໄດ້ເຜີຍແຜ່ເຊື່່ອມຊຶມຫນ້າທີ່ພາລະບົດວຽກງານກາແດງໃນໄລຍະໃຫມ່ເພື່ອໃຫ້ພະນັກງານລັດຖະກອນຮັບຮູ້ແລະເຂົ້າໃຈແຈ້ງຕໍ່ກົດຫມາຍ,ຍຸດຖະສາດ 10 ປີ ແຕ່ປີ 2021-2030 ແລະແຜນພັດທະນາ 5ປີ ແຕ່ປີ2021-2025, ວຽກງານກາແດງທີ່ປະກອບມີເອກະສານ ປະຫັວດຄວາມເປັນມາຂອງຂະບວນການກາແດງ, ປະຫວັດການເຕີບໃຫຍ່ຂະຫຍາຍຕົວຂອງອົງການກາແດງແຫ່ງຊາດລາວ, ກົດໝາຍວ່າດ້ວຍວຽກງານກາແດງລາວ ແລະ ກົດໝາຍມະນຸດສະທຳສາກົນ ເພື່ອໃຫ້ຜູ້ເຂົ້າຮ່ວມໄດ້ຮັບຮູ້, ເຂົ້າໃຈ ແລະ ສາມາດເປັນຜູ້ເຜີຍແຜ່ຂໍ້ມູນຂ່າວສານແກ່ຄົນອື່ນໄດ້
ໂດຍໃຫ້ກຽດເປັນປະທານຂອງທ່ານ ຮສ ດຣ ສິງ ເມໂນລາດ ຮອງປະທານອົງການກາແດງແຫ່ງຊາດລາວ, ບັນດາທ່ານ ຮອງຫົວໜ້າຫ້ອງການ, ຫົວໜ້າກອງ, ຮອງກອງ, ຫົວໜ້າພະແນກ, ຮອງພະແນກ ຕະຫຼອດຮອດພະນັກງານວິຊາການ ແລະ ອາສາສະໝັກຂອງອົງການກາແດງແຫ່ງຊາດລາວເຂົ້າຮ່ວມທັງໝົດ56ຄົນ, ຍິງ 15 ຄົນ ເພື່ອເປັນການສືບຕໍ່ການຈັດເຜີຍແຜ່ເຊື່ອມຊຶມໃຫ້ແກ່ພະນັກງານພາຍໃນອົງການກາແດງແຫ່ງຊາດລາວທີ່ຍັງບໍ່ໄດ້ເຂົ້າຮ່ວມຮັບຟັງໃນຄັ້ງກ່ອນໃຫ້ໄດ້ຮັບຮູ້, ເຂົ້າໃຈ ຢ່າງເລິກເຊິ່ງກ່ຽວກັບວິວັດທະນາການການກຳເນີດເກີດຂຶ້ນຂອງຂະບວນການກາແດງ
ໂອກາດດັ່ງກ່າວທ່ານຮອງປະທານອົງການກາແດງແຫ່ງຊາດລາວໄດ້ເນັ້ນໜັກໃຫ້ຜູ້ເຂົ້າຮ່ວມຮັບຟັງຈົ່ງໄດ້ເຊີດຊູບົດບາດຄວາມສຳຄັນຂອງວຽກງານຕົນ, ເອົາໃຈໃສ່ຄົ້ນຄວ້າຮ່ຳຮຽນບັນດານິຕິກຳຕ່າງໆ ເພື່ອເປັນບ່ອນອີງໃນການຈັດຕັ້ງວຽກງານໃຫ້ສອດຄ່ອງ.ເພື່ອແນ່ໃສ່ໃຫ້ເຂົ້າເຈົ້າໄດ້ສາມາດຈັດຕັ້ງຜັນຂະຫຍາຍວຽກງານໄດ້ຢ່າງສອດຄ່ອງຖືກຕ້ອງຕາມແຕ່ລະໄລຍະ.