ອົງການກາແດງລາວ

CROIX ROUGE LAO

ອົງການກາແດງ ແຂວງບໍລິຄຳໄຊ ມອບເຄື່ອງຊ່ວຍເຫຼືອປະຊາຊົນຜູ້ທຸກຍາກ

ໃນວັນທີ 17 ພະຈິກ 2021 ອົງການກາແດງແຂວງບໍລິຄຳໄຊ ໄດ້ມອບເຄື່ອງຊ່ວຍເຫຼືອບັນເທົາທຸກໃຫ້ສະພາປະຊາຊົນແຂວງບໍລິຄຳໄຊ ເພື່ອນຳໄປຊ່ວຍເຫຼືອໃຫ້ປະຊາຊົນຜູ້ທຸກຍາກ, ຈຳນວນ 11 ຄອບຄົວ ຂອງບ້ານ ບໍ່, ເມືອງບໍລິຄັນ ແຂວງ ບໍລິຄຳໄຊ, ໃຫ້ກຽດມອບໂດຍທ່ານ ນາງ ວັນເພັງ ໄຊສົງຄາມ ຫົວໜ້າອົງການກາແດງແຂວງ ແລະ ກ່າວຮັບໂດຍທ່ານ ນາງ ພິດສະໄໝ ແກ້ວວິເສດ ສະມາຊິກສະພາປະຊາຊົນແຂວງ ບໍລິຄຳໄຊ ເມືອງບໍລິຄັນ ຮອງປະທານຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ ຂອງແຂວງບໍລິຄຳໄຊ. ເຄື່ອງດັ່ງກ່າວປະກອບມີ: ເຄື່ອງນຸ່ງຫົ່ມ ແລະ ເຄື່ອງໃຊ້ຄົວເຮືອນ ລວມມູນຄ່າທັງໝົດ 8.224.000 ກີບ ເຄື່ອງຈຳນວນດັ່ງກ່າວ ແມ່ນໄດ້ຮັບການສະໜັບສະໜູນຈາກ ສະຫະພັນກາແດງ ແລະ ຊີກວົງເດືອນແດງ(IFRC)ແລະ ຈາກສັງຄົມພາຍໃນແຂວງ.
ໃນພິທີດັ່ງກ່າວ, ທ່ານ ນາງ ພິດສະໄໝ ແກ້ວວິເສດ ສະມາຊິກສະພາປະຊາຊົນແຂວງ ບໍລິຄຳໄຊ ເມືອງບໍລິຄັນ ກໍ່ໄດ້ກ່າວສະແດງຄວາມຂອບໃຈມາຍັງ ອົງການກາແດງແຂວງ ບໍລິຄຳໄຊ ທີ່ໄດ້ປະກອບສ່ວນຊ່ວຍເຫຼືອ ພໍ່ແມ່ ປະຊາຊົນຜູ້ທຸກຍາກໃນຄັ້ງນີ້, ສຳລັບເຄື່ອງຈຳນວນດັ່ງກ່າວ ແມ່ນຈະໄດ້ນຳໄປມອບໃຫ້ເຖິງມືຂອງຄອບຄົວຜູ້ທີ່ທຸກຍາກ ຈຳນວນ 11 ຄອບຄົວ.