ອົງການກາແດງລາວ

CROIX ROUGE LAO

ອົງການກາແດງ ໄດ້ຈັດພິທີສະເຫລີມສະຫລອງ ວັນແມ່ຍິງສາກົນ ຄົບຮອບ109ປີ

ສະເຫລີມສະຫລອງວັນແມ່ຍິງສາກົນ
************************
ອົງການກາແດງ ໄດ້ຈັດພິທີສະເຫລີມສະຫລອງ ວັນແມ່ຍິງສາກົນ ຄົບຮອບ109ປີ ໃນວັນທີ 7 ມີນາ 2019 ທີຜ່ານມາ.ໂດຍມີທ່ານ ຮສ.ດຮ ສິງ ເມໂນລາດ ຮອງປະທານອົງການກາແດງລາວ, ມີທ່ານ ນາງ ໄອ່ຄຳ ສໍອິນໄຊ ຮອງຫົວຫນ້າກອງໂຄສະນາ ແລະ ຂົນຂວາຍການກຸສົນ ທັງເປັນ ປະທານສະຫະພັນແມ່ຍິງອົງການກາແດງລາວ,ພ້ອມດ້ວຍເອື້ອຍນ້ອງສະມາຊິກແມ່ຍິງອົງກາກາແດງລາວເຂົ້າຮ່ວມ.
ທ່ານ ນາງ. ໄອ່ຄຳ ສໍອິນໄຊ ໄດ້ກ່າວວ່າ: ການສະເຫລີມສະຫລອງວັນແມ່ຍິງສາກົນ (ວັນທີ 8ມີນາ) ປີ2019 ນີ້ ກໍ່ເພື່ອເປັນການປົກປ້ອງສິດ- ຜົນປະໂຫຍດ ອັນຊອບທຳຂອງແມ່ຍິງ,ເປັນການສົ່ງເສີມຄວາມສະເຫມີພາບລະຫວ່າງຍິງ-ຊາຍ;ທ່ານຍັງໄດ້ເນັ້ນຕື່ມວ່າ: ສະມາຊິກແມ່ຍິງ ອົງການກາແດງລາວຈົ່ງໄດ້ເອົາໃຈໃສ່ປະຕິບັດວຽກງານຈຸດສຸມທີ່ສຳຄັນ ຂອງອົງການກາແດງລາວ,ສືບຕໍ່ສຶກສາອົບຮົມການເມືອງ-ແນວຄິດ,ເຊື່ອມຊຶມແນວທາງນະໂນບາຍຂອງພັກ-ລັດ ເພື່ອໃຫ້ມີຄວາມສາມັກຄີ ເປັນເອກະພາບ ເປັນປຶກແຜ່ນຢູ່ອອ້ມຂ້າງພັກປະຊາຊົນປະຕິວັດລາວ,ຮັກສາມູນເຊື້ອວັດທະນະທຳ ການດຳລົງຊີວິດ,ການພົວພັນໃນຄອບຄົວແລະສັງຄົມ,ການນຸ່ງຖືແລະກິລິຍາມາລະຍາດອັນດີງາມຂອງແມ່ຍິງລາວບັນດາເຜົ່າໃຫ້ຄົງຢູ່ກັບຊາດລາວຕະຫລອດໄປ.