ອົງການກາແດງລາວ

CROIX ROUGE LAO

ອ້າຍນ້ອງປ້ອງກັນຊາດແຂວງອຸດົມໄຊຫ້າວຫັນບໍລິຈາກເລືອດຊ່ວຍເຫຼືອສັງຄົມ

ກອງພັນ 407,563 ແລະ 364 ກອງພົນທະຫານຮາບທີ3 ບໍລິຈາກເລືອດຊ່ວຍເຫຼືອສັງຄົມ.
ວັນທີ28-30/8/2019 ສູນເລືອດແຂວງອຸດົມໄຊ ນຳໂດຍສະຫາຍ ນາງ ບຸນທອນ ພີມມະວົງ ຮອງຫົວໜ້າຫ້ອງການກາແດງແຂວງອຸດົມໄຊ., ພ້ອມດ້ວຍອ້າຍນ້ອງພະນັກງານວິຊາການວຽກເລືອດໄດ້ລົງຮັບບໍລິຈາກເລືອດທີີພະແນກເສນາຮັກທະຫານຮາບທີ3 ໂດຍ ແມ່ນສະຫາຍ ຮອ ພູວັນ ບົວສະຫັວນ ກອງພົນ, ໄດ້ລະດົມອ້າຍນ້ອງທະຫານພາຍໃນ 3 ກອງພັນ, ມີຜູ້ເຂົ້າຮ່ວມທັງໝົດ 241 ສະຫາຍ ຍິງ 3 ສະຫາຍແລະມີຜູ້ສະໝັກໃຈບໍລິຈາກເລືອດໂດຍບໍ່ທີຫັວງສິ່ງຕອບແທນ 48 ສະຫາຍ ຍິງ 1 ສະຫາຍ, ໄດ້ເລືອດຕົວຈິງ 43 ຖົງ ຍິງ 1 ຖົງ.

ຈາກນັ້ນທັງ3 ກອງພັນ ທີຂື້ນກັບ ກອງພົນທີ3 ຍັງໄດ້ຮັບຟັງການເຜີຍແຜ່ພາລະບົດບາດວຽກງານກາແດງທີ່ມີຕໍ່ສັງຄົມຄືແນວໃດ, ນະໂຍບາຍຕ່າງໆ ຂອງສູນເລືອດແຂວງກໍ່ຄືສູນເລືອດແຫ່ງຊາດໄດ້ກຳນົດປະຕິບັດຕໍ່ສັງຄົມ ແລະ ອະທິບາຍມາດຖານເງື່ອນໄຂຂອງຜູ້ທີຈະບໍລິຈາກເລືອດ ພ້ອມທັງວິທີຮັກສາສຸຂະພາບຂອງຜູ້ບໍລິຈາກເລືອດອີກດ້ວຍ, ໂດຍສະຫາຍ ນິນໄຊ ພົມພູມີ ວິຊາການໂຄສະນາ ແລະຍັງໄດ້ສະແດງຄວາມຂອບອົກຂອບໃຈຕໍ່ຄະນະພັກ,ຄະນະບັນຊາທັງ3 ກອງພັນ ທີໃຫ້ການຕອນຮັບທີມງານຂອງພວກເຮົາໃນຄັ້ງນີ້ຢ່າງເຕັມທີ່ ແລະ ຫັວງວ່າຍັງໄດ້ໃຫ້ການຕອນຮັບໃນຄັ້ງຕໍ່ໆໄປ. ຂ່າວໂດຍ: ນິນໄຊ ພົມພູມີ 2.9.2019