ອົງການກາແດງລາວ

CROIX ROUGE LAO

ຮອງປະທານອົງການກາແດງລາວລົງຕິດອາສາສະຫມັກອົງການກາແດງລາວໃນການຊ່ວຍປະຊາຊົນປະສົບໄພນຳ້ຖ້ວມຢູ່ເມືອງສອງຄອນ

ໃນລະຫວ່າວັນທີ 13-17 ກັນຍາ 2019 ນີ້ ທ່ານ ຮສຈ ດຣ. ສິງ ເມໂນລາດ ຮອງປະທານອົງການກາແດງລາວ ພ້ອມດ້ວຍຄະນະ ໄດ້ລົງຕິດຕາມຊຸກຍູ້ການຜະລິດ-ກັ່ນຕອງນຳ້ສະອາດ AP-700 ໃຫ້ພໍ່ແມ່ປະຊາຊົນຢູ່ເມືອງຊົນນະບູລີ ແລະ ເມືອງສອງຄອນ ແຂວງສະຫວັນນະເຂດ ໃນໂອກາດດັ່ງກ່າວທ່ານໄດ້ລົງພື້ນທີ່ເພື່ອຕິດຕາມການຊົມໃຊ້ຂອງພໍ່ແມ່ປະຊາຊົນທີ່ຍັງຂາດແຄນນຳ້ກິນ,ນຳ້ໃຊ້ໃນໄລຍະນຳ້ຖ້ວມ, ໃນນັ້ນ,ໄດ້ຊີ້ນຳໃຫ້ທີມຜະລິດນຳ້ເລັ່ງຜະລິດນຳ້ໃຫ້ພຽງພໍ,ສະອາດ ສາມາດໃຫ້ປະຊາຊົນໄດ້ຊົມໃຊ້ນນຳ້ຢ່າງພຽງພໍ, ນອກນັ້ນຍັງໄດ້ແນະນຳໃຫ້ທີມທີ່ປະຈຳຢູ່ບ້ານ ສິງທ່າ ເມືອງສອງຄອນ ສືບຕໍ່ໃນການຕິດຕັ້ງເຄື່ອງຜະລິດນຳ້ AP-700 ເຊິ່ງໄດ້ຮັບການສະໜັບສະໜູນງົບປະມານຈາກອົງການກາແດງສະວິດ ເນື່ອງຈາກເຫັນວ່າເຂດບ້ານດັ່ງກ່າວແມ່ນມີຄວາມຈຳເປັນຫຼາຍສົມຄວນ.