ອົງການກາແດງລາວ

CROIX ROUGE LAO

ເຈົ້າແຂວງຫົວພັນ ຕ້ອນຮັບການເຂົ້າຢ້ຽມຢາມຂອງ ປະທານອົງການກາແດງລາວ

ໃນຕອນບ່າຍຂອງວັນທີ 03 ເມສາ 2019 ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ພ້ອມດ້ວຍຄະນະໄດ້ເຂົ້າພົບປະຢ້ຽມຢາມ ທ່ານ ວັນໄຊ ແພງຊູມມາ ເຈົ້າແຂວງ ແຂວງຫົວພັນເພື່ອປຶກສາຫາລືໃນໄລຍະຜ່ານມາ ແລະ ການພັດທະນາ ກາແດງ ໃນຕໍ່ຫນ້າເປັນຕົ້ນແມ່ນ: ການຂະຫຍາຍຕາຫນ່າງກາແດງລົງສູ່ທ້ອງຖິ່ນເພື່ອສະດວກໃນການຄຸ້ມຄອງມະຫາພາກ ແລະ ມີປະສິດຕິຜົນໃນການຈັດຕັ້ງວຽກງານຕ່າງໆ ປະຊາຊົນໄດ້ຮັບຜົນດີ ແລະ ຄ່ອງແຄ້ວເປັນຕົ້ນແມ່ນວຽກງານຊ່ວຍເຫລືອບັນເທົາທຸກ ແລະ ວຽກງານບໍລິຈາກເລືອດ ຈາກນັ້ນ. ທ່ານ ເຈົ້າແຂວງຫົວພັນ ກໍ່ໄດ້ກ່າວຊົມເຊີຍຕໍ່ການມາຢ້ຽມຢາມໃນຄັ້ງນີ້ ວຽກງານກາແດງກໍ່ເປັນວຽກງານຫນຶ່ງທີ່ສຳຄັນໃນການຊ່ວຍເຫລືອປະຊາຊົນຜູ້ທຸກຍາກ ແລະ ທາງແຂວງກໍ່ໄດ້ເອົາໃຈໃສ່ຕໍ່ວຽກງານນີ້ທາງດ້ານລະບຽບ ແລະ ນິຕິກຳເພຶ່ອເຮັດໃຫ້ປະຊາຊົນໄດ້ຮັບຜົນປະໂຫຍດທີ່ສູງສຸດດ້ານການຊ່ວຍເຫລືອຈາກກາແດງທີ່ມີຕໍ່ປະຊາຊົນແຂວງຫົວພັນໃນໄລຍະຜ່ານມາກໍ່ຄືປະຈຸບັນ.