ອົງການກາແດງລາວ

CROIX ROUGE LAO

ເຈົ້າແຂວງອັດຕະປືຕ້ອນຮັບປະທານອົງການກາແດງລາວ

ວັນທີ 13 ມີນາ 2019 ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ພ້ອມດ້ວຍຄະນະ ໄດ້ໄດ້ເດີນທາງລົງຢ້າມຢຽມແຂວງອັດຕະປືເພື່ອຊຸກຍູ້ການວຽກງານກາແດງແຂວງໃນການຊ່ວຍເຫລືອປະຊາຊົນຜູ້ທີ່ໄດ້ຮັບຜົນກະທົບຈາກໄພນຳ້ຖ້ວມຢຸ່ເມືອງສະຫນາມໄຊ, ໃນໂ ອກາດເຄື່ອນໄຫວເຮັດວຽກແຂວງອັດຕະປືໃນຄັ້ງນີ້,ໄດ້ເຂົ້າພົບ ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງ ອັດຕະປື ຈຸດປະສົງ ກໍ່ເພື່ອສະເໜີວຽກງານໂດຍຫຍໍ້ ກ່ຽວກັບການເຄື່ອນໄຫວວຽກງານ, ພາລະບົດບາດ, ໜ້າທີ່ຕ່າງໆຂອງອົງການກາແດງລາວໃນໄລຍະຜ່ານມາ ໂດຍສະເພາະ ວຽກງານການຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພພິບັດຈາກສັນເຂື່ອນເຊປຽນ – ເຊນ້ຳນ້ອຍແຕກໃນປີຜ່ານມາແລະ ທິດທາງການຊ່ວຍເຫຼືອໃນຕໍ່ໜ້າທີ່ອົງການກາແດງລາວ ແລະ ອົງການກາແດງອັດຕະປືຈະໄດ້ປະຕິບັດຮ່ວມກັນ.ຫຼັງຈາກນັ້ນ, ທ່ານ ຄຳຮຸ່ງ ເຮືອງວົງສີ ຍັງໄດ້ໃຫ້ກຽດໂອ້ລົມພະນັກງານຫຼັກແຫຼ່ງ ແລະ ວິຊາການພາຍໃນກາແດງແຂວງ ອັດຕະປື ພ້ອມທັງຮັບຟັງການລາຍງານການຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບ, ທ່ານ ວຽງໄຊ ໄຊສົມບັດ ຫົວໜ້າກາແດງແຂວງ ອັດຕະປື ໄດ້ລາຍງານໃຫ້ຮູ້ວ່າ: ການເຄື່ອນໄຫວວຽກງານການຊ່ວຍເຫຼືອປະຊາຊົນໃນໄລຍະຜ່ານມາ ແມ່ນເລີ່ມໃຫ້ການຊ່ວຍເຫຼືອຕັ້ງແຕ່ວັນທີ 24 ກໍລະກົດ 2018 ເປັນຕົ້ນມາ ແມ່ນໃຫ້ການຊ່ວຍເຫຼືອທາງດ້ານທີ່ພັກ, ເຄື່ອງນຸ່ງ, ເຂົ້າສານອາຫານແຫ້ງ, ສ້າງວິດຖ່າຍ, ສ້າງເຄື່ອງກອງນ້ຳ ແລະ ສິ່ງອື່ນໆ ຕາມສະພາບຄວາມເປັນຈິງ ເຊິ່ງໄດ້ຮັບການສະໜັບສະໜູນຈາກສັງຄົມ, ກາແດງປະເທດເພື່ອນມິດ, ສະຫະພັນກາແດງ ແລະ ຊີກວົງເດືອນແດງສາກົນ, ຄະນະກຳມະການກາແດງສາກົນ ແລະ ກາແດງປະເທດອື່ນໆ, ພ້ອມດຽວກັນນັ້ນ, ກໍ່ໄດ້ຮັບຟັງ ແລະ ວາງທິດທາງແຜນການໃຫ້ການຊ່ວຍເຫຼືອປະຊາຊົນໃນໄລຍະຕໍ່ໄປ; ທ່ານ ວຽງໄຊ ໄຊສົມບັດ ຍັງໄດ້ໃຫ້ຮູ້ເຖິງ ຈຸດດີ ໃນການເຄື່ອນໄຫວວຽກງານ ແມ່ນໄດ້ຮັບການຊີ້ນຳຈາກອຳນາດການປົກຄອງແຂວງ ແລະ ສິ່ງທີ່ຂາດບໍ່ໄດ້ ແມ່ນອົງການກາແດງລາວສູນກາງ ໄດ້ມີຄວາມເອົາໃຈໃສ່ທາງດ້ານວິຊາການຕ່າງໆ ແລະ ຊ່ວຍສະໜັບສະໜູນການຊ່ວຍເຫຼືອຈາກສາກົນ, ສຳລັບຂໍ້ຫຍຸ້ງຍາກ ແມ່ນການຊ່ວຍເຫຼືອສະໜັບສະໜູນທາງດ້ານວັດຖຸອຸປະກອນ ແລະ ງົບປະມານຈາກສັງຄົມ ຍັງມີຂີດຈຳກັດ ລວມທັງບຸຄະລາກອນທີ່ຈະມາຈັດຕັ້ງປະຕິບັດວຽກງານ ຍັງບໍ່ພຽງພໍ, ຈາກນັ້ນທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ກໍ່ໄດ້ກ່າວ ຊົມເຊີຍ ຕໍ່ການຈັດຕັ້ງປະຕິບັດວຽກງານ ການຊ່ວຍເລືອປະຊາຊົນທີ່ໄດ້ຮັບຜົນກະທົບໃນຄັ້ງນີ້ ແລະ ໃຫ້ສືບຕໍ່ໃຫ້ການຊ່ວຍເຫຼືອປະຊາຊົນ ຢ່າງໜັກແໜ້ນ, ເຂັ້ມແຂງ ແລະ ປະຕິບັດເປັນປະຈຳປື